  Պապոյան․ ՀՀ–ն հիմնավորված դժգոհություն ունի ՀԱՊԿ–ից, իսկ ԵԱՏՄ–ում լավ ենք փոխգործակցում 29 նոյեմբերի 2023 - 10:48 AMT PanARMENIAN.Net - ՀՀ ԱԺ ֆինանսավարկային և բյուջետային հարցերի մշտական հանձնաժողովի նախագահ Գևորգ Պապոյանը Հանրային հեռուստատեսությանը հարցազրույցում հայտարարել է, որ ՀՀ–ն հիմնավորված դժգոհություն ունի ՀԱՊԿ–ից։ Նա ասել է, որ Հայաստանն անդամակցել է ՀԱՊԿ–ին մեկ պատճառով՝ անվտանգության ապահովման համար, և Երևանն ուզում է հասկանալ՝ անդամությունը ՀԱՊԿ–ում երաշխավորելու է երկրի տարածքային ամբողջականությունը, թե ոչ։ «Երբ Հայաստանում անվտանգության հետ կապված խնդիրներ առաջացան, ՀԱՊԿ–ը չարձագանքեց։ Մենք ուզում ենք հասկանալ՝ առաջիկայո՞ւմ էլ է այդպես լինելու։ Անդամությունը ՀԱՊԿ–ում երաշխավորելո՞ւ է երկրի տարածքային ամբողջականությունը, երկրի սահմանների անվտանգությունը, անվտանգային համակարգը»,–ասել է նա։ Ըստ Պապոյանի, ՀԱՊԿ–ը պետք է պատասխանի այդ հարցերին։ Պապոյանն անդրադարձել է նաև Վերին Լարսի անցակետում հայկական բեռնատարների համար առաջացած խնդիրներին։ Նրա կարծիքով ճիշտ չէ Հայաստանի պահվածքը ՀԱՊԿ շրջանակներում և տնտեսական բաղադրիչը կապել իրար։ Նա հավելել է, որ Հայաստանը ԵԱՏՄ շրջանակներում որևէ խնդիր չունի։ «Մենք լավ ենք փոխգործակցում, ներմուծում և արտահանում ենք ապրանքներ, ՀՀ և մեր գործընկերների տնտեսությունը զարգանում է»,- ասել է պատգամավորը։ Վարչապետ Նիկոլ Փաշինյանը չի մասնակցել ՀԱՊԿ նիստին։ Փաշինյանը Բելառուսի նախագահին տեղեկացրել էր, որ չի կարողանա մասնակցել նիստին և հույս էր հայտնել, որ ՀԱՊԿ գործընկերները ըմբռնումով կվերաբերվեն այդ որոշմանը: Հայաստանի պաշտպանության նախարար Սուրեն Պապիկյանը չի մասնակցել ՀԱՊԿ Պաշտպանության նախարարների խորհրդի նիստին, իսկ ԱԳ նախարար Արարատ Միրզոյանը չի մասնակցել ՀԱՊԿ արտաքին գործերի նախարարների խորհրդի, պաշտպանության նախարարների խորհրդի և անվտանգության խորհրդի քարտուղարների կոմիտեի համատեղ նիստին:   Ուշագրավ Նա ասել է, որ աշխատելու է Մոսկվայի և Երևանի հարաբերությունների կարգավորման վրա Նստաշրջանը կայանալու է նոյեմբերին Նրա խոսքով, աշխարհում իրավիճակը բավականին բարդ է, տարածաշրջանում` առավել ևս   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
