  Զախարովա․ Մոսկվան Միրզոյանին հերթական անգամ հրավիրել է ՌԴ՝ քննարկելու Ադրբեջանի հետ խաղաղության պայմանագիրը 27 հունվարի 2024 - 11:49 AMT PanARMENIAN.Net - Ռուսաստանի ԱԳՆ պաշտոնական ներկայացուցիչ Մարիա Զախարովան հայտարարել է, որ Մոսկվան մի քանի օր առաջ ՀՀ ԱԳ նախարար Արարատ Միրզոյանին հերթական անգամ հրավիրել է ՌԴ՝ քննարկելու Ադրբեջանի հետ խաղաղության պայմանագիրը։ «Միրզոյանին Մոսկվայում խաղաղության պայմանագրի խնդիրների շուրջ խորհրդակցությունների հրավեր բազմիցս է ուղարկվել՝ սկսած 2023–ի սեպտեմբերից։ Այդ հարցը քննարկվել է նաև տարբեր մակարդակներում երկկողմ շփումների ժամանակ։ Վերջին ազդակը Երևանին է փոխանցվել բառացիորեն մի քանի օր առաջ»,- ասել է դիվանագետը, գրում է ՏԱՍՍ–ը։ ՌԴ ԱԳ նախարար Սերգեյ Լավրովը հայտարարել է, թե առաջընթացի բացակայությունը ՀՀ և Ադրբեջանի միջև կարգավորման գործընթացում պայմանավորված է Երևանի դիրքորոշմամբ, որին «խորհուրդներ է բաժանում Արևմուտքը»։ Նա նաև ասել է, որ Լեռնային Ղարաբաղի կարգավիճակի հարցը փակել է անձամբ ՀՀ վարչապետ Նիկոլ Փաշինյանը: Հունվարի 24–ին Միրզոյանը ռուսաստանցի գործընկերներին հորդորել էր հայկական կողմին չվերագրել մեղադրանքներ, որոնցում Հայաստանը մեղավորություն չունի: Միրզոյանն այդ մասին ասել է ասուլիսում՝ անդրադառնալով Ռուսաստանից հնչող մեղադրանքին, թե Լեռնային Ղարաբաղի հարցը, այդ թվում՝ կարգավիճակի, փակվել է, երբ վարչապետ Նիկոլ Փաշինյանը Պրահայում ստորագրել է հայտարարություն՝ Ալմաթիի հռչակագրին համապատասխան:   Ուշագրավ Ընդգծվել է ուժի կիրառման անընդունելիությունը և կոչ է արվել ձեռնպահ մնալ ռազմատենչ հռետորաբանությունից «Մեզ ասում էին, թե մեր խոսքերը չափազանց կտրուկ են, որ դա չի մոտեցնում խաղաղությունը»,–բողոքել է նա Հաջիզադեն ասել է, թե հայտարարությունը «զարմանք է առաջացնում», և մեղադրանքներ հնչեցրել Հայաստանի հասցեին Նա հավելել է, որ Թուրքիան աջակցում է Ադրբեջանի և ՀՀ միջև խաղաղության գործընթացին   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
