  IDBank. Գիրք նվիրելու օրը՝ Խնկո Ապոր անվան գրադարանում 20 փետրվարի 2024 - 18:26 AMT PanARMENIAN.Net - Փետրվարի 19-ին՝ Գիրք նվիրելու օրվա կապակցությամբ IDBank-ը Արցախից բռնի տեղահանված երեխաների համար հեքիաթի ընթերցում էր կազմակերպել։ Միջոցառմանը եկել էր նաև Idram Junior-ը՝ իր հետ բերելով անակնկալ նվերներ երեխաների համար։ Բանկի Հաղորդակցման բաժնի ղեկավար Տաթևիկ Վարդևանյանի խոսքով՝ ցանկացել են Գիրք նվիրելու օրը առանձնահատուկ դարձնել երեխաների համար։ «Գիրքը և ընթերցանությունն այսօր PR-ի կարիք ունեն, և մենք չէինք կարող առիթը բաց թողնել ևս մեկ անգամ խոսելու գրքի, դրա կարևորության մասին։ Գիրք նվիրելու տոնի կապակցությամբ որոշեցինք Արցախից տեղահանված մեր կրտսեր բարեկամների համար փոքրիկ տոն կազմակերպել, ու մեր պատկերացմամբ՝ հեքիաթի ընթերցումն ամենալավ ընտրությունն էր, հատկապես, որ Իդրամ Ջունիորն էլ մեզ միացավ ու ուրախ րոպեներ պարգևեց երեխաներին։ Շնորհակալ ենք նաև Խնկո Ապոր անվան գրադարանին մեզ հետ այսքան մեծ պատրաստակամության համագործակցելու համար, և իհարկե շնորհակալություն Արփի Մաղաքյանին երեխաներին հեքիաթային րոպեներ պարգևելու համար», - ասել է Տաթևիկ Վարդևանյանը։ Երեխաների համար հեքիաթն ընթերցել է հենց հեղինակը՝ Արփի Մաղաքյանը։ «Հույս ունեմ, որ մեզ հաջողվեց երեխաներին փոքր-ինչ կտրել առօրյայից ու տեղափոխել նրանց հեքիաթի աշխարհ։ Այս օրը միշտ յուրահատուկ է դպրոցահասակ երեխաների համար, մենք էլ որոշեցինք դառնալ նրանց տոնի մի մասնիկը», - ասել է Արփի Մաղաքյանը։ Երեխաները մեծ ոգևորությամբ են լսել հեքիաթը անմիջապես հեղինակի ընթերցմամբ՝ ակտիվ մասնակցելով ընթացքին, պատասխանելով հարցերին ու շփվելով հեղինակի հետ, իսկ վերջում նաև նվեր ստացել հեղինակի գիրքը։ Խնկո Ապոր գրադարանի կողմից Մանկապատանեկան գրքի երևանյան 20-րդ ցուցահանդես-տոնավաճառի բացման առթիվ տասներկու պատանի ճանաչվել է 2023 թվականի լավագույն ընթերցող՝ ստանալով հավաստագրեր և մրցանակներ գրադարանի կողմից։ Իդրամ Ջունիորը նույնպես նվերներով էր եկել, և հաղթող պատանիները ստացել են մրցանակներ նաև Ջունիորի կողմից։ Ընկերությունները վերահսկվում են ՀՀ ԿԲ կողմից։   Ուշագրավ Ֆիլմի ռեժիսորը Զառա Ջյանն է Պլասիդո Դոմինգոն Երևանում ելույթ է ունեցել նաև 2010–ին Փեյնի հեղինակած 8 լիամետրաժ ֆիլմերն առաջադրվել են ընդհանուր թվով 24 Օսկարի Տիգրան Ավինյանն ու Գրեգորի Դուսեն այցելել են պատմական թաղամաս   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
