 Թրամփը զանգել է Արամ Ա–ին, իր ամբողջական զորակցությունը հայտնել Արցախի հարցին 4 նոյեմբերի 2024 - 10:42 AMT PanARMENIAN.Net - ԱՄՆ նախկին նախագահ, նախագահի թեկնածու Դոնալդ Թրամփի նախաձեռնությամբ հեռախոսազրույց է տեղի ունեցել նրա և Մեծի Տանն Կիլիկիո Արամ Ա կաթողիկոսի միջև, որի ընթացքում Թրամփն «իր ամբողջական զորակցությունն է հայտնել Արցախի հարցին և տարածաշրջանում ամբողջական խաղաղության հաստատմանը», հայտնում է Կիլիկոի կաթողիկոսարանը։ Թրամփը նաև խոսել է ԱՄՆ հայերի՝ որպես կազմակերպված, ակտիվ և ուժեղ համայնքի մասին։ Արամ Ա–ն նախ իր գնահատանքն ու երախտագիտությունն է հայտնել Թրամփին՝ օրեր առաջ արցախահայության իրավունքների վերաբերյալ իր հրապարակային հայտարարության համար, և կարևորել է ԱՄՆ միջազգային դերը, հատկապես՝ այս անհանգիստ ժամանակներում։ Մեծի Տանն Կիլիկիո կաթողիկոսը նախագահի թեկնածուին ներկայացրել է իր 2 ակնկալիքները. ա) Անհրաժեշտ է, որ ԱՄՆ կազմվելիք նոր կառավարությունը ամբողջական զորակցություն հայտնի արցախահայությանը՝ իր պատմական հողերը վերադառնալու և ինքնորոշման իրավունքը վերահաստատելու Արցախի հայության արդար պահանջին՝ միաժամանակ պատասխան պահանջելով արցախահայության դեմ գործադրված ցեղասպանության համար։ բ) Անհրաժեշտ է, որ կառավարության մեջ լինի ամերիկահայ համայնքը ներկայացնող հարմար անձ։ Արամ Ա–ն առաջարկել է, որ նշված հարցերի շուրջ խորհրդակցեն Արևելյան և Արևմտյան ազգային առաջնորդարանների, ինչպես նաև Վաշինգտոնի Հայ դատի գրասենյակի ներկայացուցիչների հետ։ ԱՄՆ Արևելյան Հայոց թեմ Արամ Ա–ի կատարած հովվապետական այցի վերջին օրը, հեռուստատեսությամբ տեղեկանալով, որ նա գտնվում է Դեթրոյտում, Դոնալդ Թրամփի կողմից երկու բարձրաստիճան պատասխանատու հանդիպել է նրան և փոխանցել նախագահի թեկնածուի ողջույններն ու կապ հաստատելու պատրաստակամությունը:   Ուշագրավ Ընդգծվել է ուժի կիրառման անընդունելիությունը և կոչ է արվել ձեռնպահ մնալ ռազմատենչ հռետորաբանությունից «Մեզ ասում էին, թե մեր խոսքերը չափազանց կտրուկ են, որ դա չի մոտեցնում խաղաղությունը»,–բողոքել է նա Հաջիզադեն ասել է, թե հայտարարությունը «զարմանք է առաջացնում», և մեղադրանքներ հնչեցրել Հայաստանի հասցեին Նա հավելել է, որ Թուրքիան աջակցում է Ադրբեջանի և ՀՀ միջև խաղաղության գործընթացին   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
