Գրականության եւ արվեստի բնագավառում պետական մրցանակներ ստանալու համար հայտարարվել է մրցույթ

PanARMENIAN.Net - Հայաստանի կառավարությունը գրականության եւ արվեստի բնագավառում պետական մրցանակ ստանալու համար հայտարարում է դիմումների ընդունում: 2002-ից համաձայն Հայաստանի նախագահի հրամանագրի, պետական մրցանակների են արժանանում գրականության, երաժշտության, կերպարվեստի, ճարտարապետության, թատրոնի եւ կինոարվեստի ոլորտների գործիչները:



Պետական մրցանակ ստանալու մրցույթին կարող են մասնակցել արվեստի գործիչներ, որոնց աշխատանքները հրատարակվել, կատարվել կամ ներկայացվել են հանդիսատեսի դատին 2007-ի սեպտեմբերի 1-ից ոչ շուտ: Դիմումներն ընդունվում են մինչեւ 2009-ի սեպտեմբերի 1-ը:



Մրցույթի նպատակը պետական մակարդակով տարբեր ոլորտների լավագույն ստեղծագործություններին աջակցելն է: Լավագույն աշխատանքների հեղինակները, որոնց կընտրի պրոֆեսիոնալ ժյուրին, կպարգեւատրվեն դիպլոմներով, մեդալներով եւ 2.500.000 դրամի չափով պրեմիայով: