  Նորվեգիայի խորհրդարանի նախագահն անդրադարձել է ՀՀ–ի ժողովրդավարական ուղուն` բարդ աշխարհաքաղաքական պայմաններում 31 հունվարի 2025 - 16:59 AMT PanARMENIAN.Net - Նորվեգիայի խորհրդարանի (Ստորթինգի) նախագահ Մասուդ Ղարահխանին Հայաստան կատարած այցի ընթացքում ընդգծել է, որ երկիրը, գտնվելով բարդ աշխարհաքաղաքական միջավայրում, հաստատակամորեն ընտրել է ժողովրդավարական զարգացման ուղին։ «Հայաստանը շատ բարդ աշխարհաքաղաքական հարևաններ ունի, բայց այն միակ երկիրն է, որն իսկապես ցանկանում է առաջ գնալ ժողովրդավարությամբ, հակակոռուպցիոն և ճիշտ արժեքներով։ Այսպիսով, ես կարծում եմ, որ մենք կարող ենք օգնել՝ կիսվելով նրանով, թե ինչպես է մեր երկիրը կառուցվել այդ արժեքների վրա»,– ասել է Ղարահխանին, հայտնում է Արմենպրեսը։ Նա նշել է, որ Նորվեգիան, չնայած ԵՄ անդամ չլինելուն, կիսում է եվրոպական ժողովրդավարական արժեքները և պատրաստ է աջակցել Հայաստանին՝ այդ ուղղությամբ առաջ ընթանալու հարցում։ Նորվեգիայի խորհրդարանի նախագահը խոսել է նաև երկու երկրների միջև համագործակցության հնարավորությունների մասին՝ հատկապես էներգետիկայի ոլորտում։ «Նորվեգիան նավթի և գազի առումով կարևոր երկիր է, բայց նաև ցանկանում է ապագայում ներդրումներ կատարել վերականգնվող էներգիայի ոլորտում»,– նշել է նա։ Անդրադառնալով Հայաստանի ԵՄ անդամակցության հնարավորություններին՝ Ղարահխանին շեշտել է, որ դրա համար անհրաժեշտ է հետևողական աշխատանք։ «Եթե ուզում եք լինել ԵՄ անդամ, պետք է աշխատեք։ Պետք է աշխատեք՝ հավաստիանալու, որ ձեր երկիրը կառուցված է ժողովրդավարության, օրենքի գերակայության, գենդերային հավասարության, մարդու իրավունքների վրա»,– նշել է նա։ Խոսելով Հայաստանի և Ադրբեջանի միջև ընթացող խաղաղության բանակցությունների մասին՝ Ղարահխանին նշել է, որ միջազգային հանրությունը պետք է խթանի այդ գործընթացը։ «Ձեր ուղին դեպի եվրատլանտյան լուծում կախված է Հայաստանի ու Ադրբեջանի բանակցություններից։ Ուստի, կարծում եմ, որ միջազգային հանրությունը պետք է դրդի՝ հասնելու խաղաղության»,– ընդգծել է նա։ Նա հավելել է, որ ժողովրդավարական երկրները, այդ թվում՝ Հայաստանը և Նորվեգիան, պետք է աջակցեն միմյանց, քանի որ աշխարհում ժողովրդավարությունը գնալով նվազում է։ Նորդիկ-Բալթիկ երկրների խորհրդարանների ներկայացուցիչների այցի շրջանակում կայացել են հանդիպումներ ՀՀ ԱԺ նախագահի, վարչապետի և նախագահի հետ, որոնց ընթացքում եվրոպացի գործընկերները վերահաստատել են իրենց աջակցությունը Հայաստանի եվրոպական ինտեգրման գործընթացին։   Ուշագրավ Ընդգծվել է ուժի կիրառման անընդունելիությունը և կոչ է արվել ձեռնպահ մնալ ռազմատենչ հռետորաբանությունից «Մեզ ասում էին, թե մեր խոսքերը չափազանց կտրուկ են, որ դա չի մոտեցնում խաղաղությունը»,–բողոքել է նա Հաջիզադեն ասել է, թե հայտարարությունը «զարմանք է առաջացնում», և մեղադրանքներ հնչեցրել Հայաստանի հասցեին Նա հավելել է, որ Թուրքիան աջակցում է Ադրբեջանի և ՀՀ միջև խաղաղության գործընթացին   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
