  ՄԻՊ–ը՝ Վարդանյանի մասին․ Շուտափույթ քայլեր են պետք 27 փետրվարի 2025 - 12:50 AMT PanARMENIAN.Net - ՀՀ մարդու իրավունքների պաշտպանի գրասենյակը, անդրադառնալով Ադրբեջանում ազատությունից ապօրինի զրկված հայերի նկատմամբ իրականացվող գործընթացներին, մասնավորապես՝ Ռուբեն Վարդանյանի առողջական վիճակի վատթարացմանն ու խոշտանգմանը, հայտարարել է, որ ոլորտում մանդատ ունեցող բոլոր դերակատարները պետք է շուտափույթ և պատշաճ քայլեր ձեռնարկեն խնդրի հասցեավորման ուղղությամբ։ «Սոցիալական մեդիայի մշտադիտարկումների արդյունքում մտահոգիչ տեղեկություններ են ստացվել Ռուբեն Վարդանյանի առողջական վիճակի վատթարացման և խոշտանգման մասին: Մարդու իրավունքների պաշտպանը բազմիցս է խոսել Ադրբեջանում ազատությունից ապօրինի զրկված հայերի նկատմամբ իրականացվող գործընթացների ոչ թե պարզապես խնդրահարույց լինելու, այլ մարդու իրավունքների համընդհանուր սկզբունքների ու արժեքների, միջազգային իրավական չափանիշների կոպտագույն խախտումներով իրականացվելու մասին»,- հայտնել են ՄԻՊ-ի գրասենյակից, գրում է Արմենպրեսը։ Անահիտ Մանասյանի հանձնարարությամբ պաշտպանության աշխատակազմում իրականացվել և շարունակվում են իրականացվել համապատասխան գործողություններ՝ ՄԻՊ լիազորությունների շրջանակում։ Միևնույն ժամանակ, հաշվի առնելով խնդրի նրբությունը, Պաշտպանի գրասենյակը որոշել է որոշ մանրամասներ չհրապարակել՝ «չվնասելու սկզբունքը» պահպանելու համար։ ՄԻՊ-ը հայտարարել է, որ այս բոլոր խնդիրները շարունակում է հասցեագրել մարդու իրավունքների պաշտպանության ոլորտում մանդատ ունեցող միջազգային կառույցներին՝ ընդգծելով, որ բոլոր դերակատարները պետք է անհապաղ միջոցներ ձեռնարկեն։ «Ընդգծում ենք, որ ոլորտում մանդատ ունեցող բոլոր դերակատարները պետք է շուտափույթ և պատշաճ քայլեր ձեռնարկեն խնդրի հասցեավորման ուղղությամբ»,- եզրափակել են ՄԻՊ-ի գրասենյակից։ Ռուբեն Վարդանյանն արդեն մեկ շաբաթ է հացադուլի մեջ է։ Վերջին դատական նիստում նրա ինքնազգցողությունը կտրուկ վատացել էր։ Նրա միջազգային փաստաբան Ջարեդ Գենսերն հայտարարել էր, որ Վարդանյանի առողջական վիճակը լրջորեն վտանգված է։ Նա կոչ է արել աշխարհի առաջնորդներին, Հայաստանի վարչապետ Նիկոլ Փաշինյանին, «դատապարտել այս ցուցադրական դատավարությունը, այն որակել որպես քաղաքական և ապօրինի»։ Ռուբեն Վարդանյանի որդին՝ Դավիթ Վարդանյանը կոչ է արել պայքարել Բաքվում ընթացող շինծու դատավարությունների դեմ, որոնք ուղղված են ոչ միայն իր հոր, այլև մյուս հայ գերիների դեմ։   Ուշագրավ Նա ասել է, որ աշխատելու է Մոսկվայի և Երևանի հարաբերությունների կարգավորման վրա Նստաշրջանը կայանալու է նոյեմբերին Նրա խոսքով, աշխարհում իրավիճակը բավականին բարդ է, տարածաշրջանում` առավել ևս   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
