Մերձավանի սպանության գործով ևս 2 անձ է ձերբակալվել 14 մարտի 2025 - 18:47 AMT PanARMENIAN.Net - Արմավիրի մարզի Փարաքար խոշորացված համայնքի Մերձավան բնակավայրում տեղի ունեցած սպանության գործով իրավապահները ձերբակալել են ևս երկու անձի։ Այդ մասին հայտնել է ՀՀ քննչական կոմիտեի նախագահի մամուլի խոսնակ Կիմա Ավդալյանը, տեղեկացնում է Sputnik Արմենիան։ «Հանրային քրեական հետապնդում է հարուցվել 12 անձի նկատմամբ, որից 6-ի նկատմամբ կիրառվել է կալանք, 3-ի նկատմամբ՝ տնային կալանք, 3-ի նկատմամբ՝ բացակայելու արգելք խափանման միջոցները»,- ընդգծել է Ավդալյանը։ Փետրվարի 4-ի լույս 5-ի գիշերը կրակոցներ էին հնչել Մերձավանի վարչական ղեկավար Մհեր Ախտոյանի տան մոտ, ինչի հետևանքով մեկ անձ մահացել էր, իսկ մյուսը՝ վիրավորվել։ Փետրվարի 21-ին Քննչական կոմիտեն հայտնել էր, որ զինված միջադեպի գործով կալանավորվել է հինգ անձ։ Լրատվամիջոցների տվյալներով՝ սպանվածը Ախտոյանի հորաքրոջ որդին էր, իսկ վիրավորը՝ նրա ընկերը։ Դեպքի առթիվ քրեական վարույթ է նախաձեռնվել ՀՀ քրեական օրենսգրքի 155-րդ հոդվածի 1-ին մասով (սպանություն), 335-րդ հոդվածով (հրազենի ապօրինի շրջանառություն), 297-րդ հոդվածի 3-րդ մասով (խուլիգանություն), 44-155-րդ հոդվածի 1-ին մասով (սպանության փորձ)։ Ընդհանուր առմամբ, այս գործով քրեական հետապնդում է հարուցվել 9 անձի նկատմամբ։   Ուշագրավ Պատճառը Մերձավոր Արևելքում հակամարտության սրացումն է Դավոյանն ասել է, որ արդարադատության նախարարի պաշտոնը պետք է զբաղեցնի իշխող քաղաքական թիմի անդամ Տեղի է ունեցել Ամենայն Հայոց կաթողիկոսի և Պոլսո Հայոց պատրիարքի առանձնազրույցը Ավելին` հակաբիոտիկների ոչ նպատակային կիրառումը կարող է բերել դեղի նկատմամբ կայունության զարգացման   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումներըViva-ն ամպային ծառայությունների աճող պահանջարկ է գրանցել Viva-ի ենթակառուցվածքները նոր են և համապատասխանում են միջազգային բոլոր ստանդարտներինՔՊ վարչությունը մերժել է Արփի Դավոյանի թեկնածությունը արդարադատության նախարարի պաշտոնում Նրա՝ արդարադատության նախարար լինելուն դեմ է եղել վարչության գերակշիռ մասը |
