 Հակոբյան․ Ֆրանսիան ջանքեր է գործադրել, որ 2 հեռուստաալիք ունենա ՀՀ հանրային մուլտիպլեքսում, բայց մերժվել է 8 ապրիլի 2025 - 18:27 AMT PanARMENIAN.Net - Վերջերս Ֆրանսիան ջանքեր է գործադրել, որ 2 հեռուստաալիք ունենա Հայաստանի հանրային մուլտիպլեքսում, բայց մերժվել է։ Այդ մասին Ազգային ժողովում հայտարարել է Հեռուստատեսության և ռադիոյի հանձնաժողովի նախագահ Տիգրան Հակոբյանը։ Նրա խոսքով` հայկական կողմը հեռուստաալիքների ներկայացուցիչների հետ մի քանի հանդիպումների ժամանակ հստակ հասկացրել է, որ գործող օրենսդրությունը թույլ չի տալիս օտարերկրյա լրատվամիջոցների ներկայությունը հանրային մուլտիպլեքսում, հայտնում է Sputnik Արմենիան։ Հակոբյանը հիշեցրել է, որ հավակնորդներից մեկը՝ Arte France հեռուստաալիքը, վերջերս հայտնվել է սկանդալի կենտրոնում այն դեպքի առնչությամբ, երբ մեկ ռեպորտաժում Հարավային Կովկասի քարտեզն առանց Հայաստանի է ներկայացվել։ Նրա խոսքով՝ թեև հեռուստաալիքը հետագայում հրապարակային ներողություն է խնդրել, այդուհանդերձ, դժվար է պատկերացնել այն հետևանքները, թե հանրային եթերում նման հաղորդում հեռարձակվելուց հետո ինչ հետևանքներ կլինեին: «Կստացվեր, որ Հայաստանն ինքն իր մասին ապատեղեկատվություն է տարածում», - ընդգծել է Հակոբյանը։ Arte հեռուստաալիքի «28 րոպե» հաղորդաշարի ընթացքում ցուցադրված էր տարածաշրջանի քարտեզ, որտեղ Հայաստանը բացակայում էր։ Այս միջադեպը լայն արձագանք է գտել։ Ավելի ուշ հաղորդման հաղորդավար Էլիզաբեթ Քինը ներողություն է խնդրել՝ ընդգծելով, որ կատարվածը եղել է խմբագրական թիմի սխալ և չարամիտ միտում չի ունեցել։   Ուշագրավ Նա ասել է, որ աշխատելու է Մոսկվայի և Երևանի հարաբերությունների կարգավորման վրա Նստաշրջանը կայանալու է նոյեմբերին Նրա խոսքով, աշխարհում իրավիճակը բավականին բարդ է, տարածաշրջանում` առավել ևս   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
