  Մարսելի քաղաքապետը՝ Գարեգին Բ-ին․ Ջանքեր կգործադրվեն` հաղթահարելու հայերի առջև ծառացած մարտահրավերները 5 մայիսի 2025 - 11:00 AMT PanARMENIAN.Net - Ամենայն Հայոց կաթողիկոս Գարեգին Երկրորդը Մայր Աթոռ Սուրբ Էջմիածնում հյուրընկալել է Մարսելի քաղաքապետ Բենուա Պայանի ղեկավարած պատվիրակությանը, որում ընդգրկված են եղել ինչպես քաղաքային ղեկավարության, այնպես էլ հայ համայնքի ներկայացուցիչներ։ Վեհափառ Հայրապետը կարևորել է պատվիրակության այցը՝ այն համարելով հայ-ֆրանսիական բարեկամության ու Ֆրանսիայի իշխանությունների զորակցության հերթական ապացույցը՝ հատկապես այս դժվարին ժամանակաշրջանում, որը պատուհասել է հայ ժողովրդին։ Մարսելի քաղաքապետ Բենուա Պայանը, շնորհակալություն հայտնելով Նորին Սրբությանը ընդունելության համար, անդրադարձավ հայ-ֆրանսիական պատմական առնչակցություններին, կարևորեց տեղի հայ համայնքի և ազգային կազմակերպությունների ներդրումն ու շարունակական ներգրավվածությունը քաղաքի զարգացման գործում։ Քաղաքապետ Պայանը նաև հավաստիացրեց Հայոց Հովվապետին, որ անհրաժեշտ ջանքերը կգործադրվեն հայ ժողովրդի առջև ծառացած մարտահրավերների հաղթահարման ուղղությամբ, հայտնում է Մայր աթոռը։ Կաթողիկոսն ընդգծել է Մարսելի քաղաքային ղեկավարության և տեղի հայկական համայնքի միջև ձևավորված սերտ համագործակցությունը՝ գոհունակությամբ նշելով, որ Մարսելն ընդունել է Հայոց ցեղասպանությունից փրկված մեծաթիվ հայերի, որոնք այնտեղ հիմնել են ազգային-հոգևոր կառույցներ և արժեքավոր ներդրում են ունեցել երկրի զարգացման գործում։ Բենուա Պայանն ընդգծել է Մարսելի հայ համայնքի դերը քաղաքի մշակութային և հանրային կյանքում։ Հանդիպմանը մասնակցել է նաև Հայաստանում Ֆրանսիայի արտակարգ և լիազոր դեսպան Օլիվիե Դըկոտինյին։   Ուշագրավ Պատճառը Մերձավոր Արևելքում հակամարտության սրացումն է Դավոյանն ասել է, որ արդարադատության նախարարի պաշտոնը պետք է զբաղեցնի իշխող քաղաքական թիմի անդամ Տեղի է ունեցել Ամենայն Հայոց կաթողիկոսի և Պոլսո Հայոց պատրիարքի առանձնազրույցը Ավելին` հակաբիոտիկների ոչ նպատակային կիրառումը կարող է բերել դեղի նկատմամբ կայունության զարգացման   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումներըViva-ն ամպային ծառայությունների աճող պահանջարկ է գրանցել Viva-ի ենթակառուցվածքները նոր են և համապատասխանում են միջազգային բոլոր ստանդարտներինՔՊ վարչությունը մերժել է Արփի Դավոյանի թեկնածությունը արդարադատության նախարարի պաշտոնում Նրա՝ արդարադատության նախարար լինելուն դեմ է եղել վարչության գերակշիռ մասը |
