  ՀՀ ու Լյուքսեմբուրգի ԱԳ նախարարները քննարկել են գործակցության ընդլայնման հնարավորությունները 14 մայիսի 2025 - 10:23 AMT PanARMENIAN.Net - ՀՀ արտաքին գործերի նախարար Արարատ Միրզոյանը մայիսի 13-ին հանդիպել է Լյուքսեմբուրգի փոխվարչապետ, արտաքին գործերի և արտաքին առևտրի նախարար Քսավյե Բետելի հետ։ Հանդիպումը կայացել է Եվրոպայի խորհրդի նախարարական նստաշրջանի շրջանակում։ Զրուցակիցներն անդրադարձ են կատարել երկու երկրների միջև բարեկամական կապերի ու արդեն ձևավորված փոխշահավետ գործընկերության խորացման նպատակով նախաձեռնվող նոր ծրագրերին։ Արարատ Միրզոյանը և Քսավյե Բետելը կարծիքներ են փոխանակել Եվրոպական միության և նրա անմիջական հարևանությամբ ընթացող զարգացումների վերաբերյալ։ Միրզոյանը ներկայացրել է Հայաստանի կողմից ԵՄ-ի հետ համագործակցության խորացման ուղղությամբ իրականացվող քայլերը՝ ընդգծելով, որ Գործընկերության նոր օրակարգի ստորագրման գործընթացը դառնալու է կարևոր հանգրվան՝ ՀՀ-ի ու ԵՄ անդամ պետությունների հետ հարաբերությունների ընդլայնման գործում։ Հայաստանի ու Լյուքսեմբուրգի ԱԳ նախարարները քննարկել են նաև միջազգային և տարածաշրջանային վերջին զարգացումները, որոնք ընթանում են աշխարհաքաղաքական լարվածության պայմաններում։ Հարավային Կովկասում կայունության հաստատման համատեքստում նախարար Միրզոյանը ներկայացրել է Հայաստանի կողմից հարևան երկրների հետ հարաբերությունների կարգավորման ուղղությամբ ձեռնարկած քայլերը։ Նա ընդգծել է Հայաստանի հաստատակամությունը՝ Ադրբեջանի հետ խաղաղության և միջպետական հարաբերությունների հաստատման մասին համաձայնագրի ստորագրման հարցում։   Ուշագրավ Նա ասել է, որ աշխատելու է Մոսկվայի և Երևանի հարաբերությունների կարգավորման վրա Նստաշրջանը կայանալու է նոյեմբերին Նրա խոսքով, աշխարհում իրավիճակը բավականին բարդ է, տարածաշրջանում` առավել ևս   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
