  Միրզոյան. ՀՀ-ն պատրաստակամ է շարունակելու ՌԴ հետ փոխշահավետ համագործակցությունը 21 մայիսի 2025 - 14:20 AMT PanARMENIAN.Net - ԱԳ նախարար Արարատ Միրզոյանը ՌԴ ԱԳ նախարար Սերգեյ Լավրովի ընդլայնված կազմով հանդիպմանը հայտարարել է, որ ՀՀ-ն պատրաստակամ է շարունակելու ՌԴ հետ փոխշահավետ համագործակցությունը։ Այդ մասին ֆեյսբուքյան իր էջում գրել է ՀՀ ԱԳՆ մամուլի խոսնակ Անի Բադալյանը։ «Հաստատում եմ մեր պատրաստակամությունը՝ շարունակելու արդյունավետ քաղաքական երկխոսությունը և փոխշահավետ համագործակցությունը՝ մեր ժողովուրդների և երկու պետությունների շահերին համապատասխան»,–ասել է Միրզոյանը։ Հայաստանի և Ռուսաստանի արտաքին գործերի նախարարությունների միջև քաղաքական խորհրդակցությունների երկամյա նոր ծրագրի մշակման գործընթացն արդեն ամբողջովին ավարտված է, ինչի մասին ՌԴ արտգործնախարար Սերգեյ Լավրովի հետ ընդլայնված կազմով հանդիպման ընթացքում հայտնել է ՀՀ արտգործնախարար Արարատ Միրզոյանը, հայտնում է Aysor.am-ը։ «Հուսով եմ՝ այսօր այդ ծրագիրը կստորագրվի»,-ասել է Արարատ Միրզոյանը։ Միրզոյանը հավելել է, որ հատկապես հումանիտար ոլորտում նկատվել են դրական միտումներ համագործակցության մակարդակում։ Նա ընդգծել է, որ նախարարների միջև կայացած հանդիպումը եղել է արդյունավետ և վստահություն է հայտնել, որ ընդլայնված ձևաչափով քննարկումները ևս շարունակելու են նույն կառուցողական ուղղությամբ։ Մայիսի 21-ին նախատեսված են նաև Լավրովի հանդիպումները ՀՀ վարչապետ Նիկոլ Փաշինյանի, նախագահ Վահագն Խաչատուրյանի հետ։   Ուշագրավ Նա ասել է, որ աշխատելու է Մոսկվայի և Երևանի հարաբերությունների կարգավորման վրա Նստաշրջանը կայանալու է նոյեմբերին Նրա խոսքով, աշխարհում իրավիճակը բավականին բարդ է, տարածաշրջանում` առավել ևս   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
