  Բեյրութում 3 հայ ընտրվել է քաղաքային խորհրդի անդամ 22 մայիսի 2025 - 14:52 AMT PanARMENIAN.Net - Լիբանանի մայրաքաղաք Բեյրութում և Բեքայի նահանգում մայիսի 18-ին անցկացված տեղական ինքնակառավարման մարմինների ընտրություններում հայկական ավանդական կուսակցությունների կողմից առաջադրված բոլոր թեկնածուները կարողացել են հաղթել։ Այդ մասին հայտնել է Լիբանանում գործող Սոցիալ Դեմոկրատ Հնչակյան կուսակցության մամուլի և տեղեկատվության գրասենյակը, գրում է Արմենպրեսը։ Մասնավորապես, Բեյրութի քաղաքային խորհրդի ընտրությունների արդյունքում 3 հայ ներկայացուցիչ դարձել է քաղաքային խորհրդի անդամ։ Նրանք են՝ Հովհաննես Բուչաքջյանը՝ Սոցիալ Դեմոկրատ Հնչակյան կուսակցությունից, ինչպես նաև Սերժ Մելքոնյանն ու Վահրամ Պարսումյանը՝ Հայ Հեղափոխական Դաշնակցությունից։ Բեյրութի քաղաքային խորհուրդը բաղկացած է 24 անդամից, իսկ հայ թեկնածուները այս ընտրություններին մասնակցել են «Բեյրութը մեզ կհավաքի» անվամբ կոալիցիայի կազմում։ Ըստ հրապարակված տեղեկությունների՝ նշված կոալիցիան ձևավորվել է քրիստոնյա և մահմեդական համայնքների հավասարակշռված ներգրավմամբ, իսկ հայկական ուժերի ներգրավումը կոալիցիայի կազմում առանձնահատուկ նշանակություն է ունեցել քվեարկության ելքի վրա։ «Այս ցանկի հայկական հատվածում ծանրակշիռ և որոշիչ դեր են խաղացել հայկական միասնակության քվեները: Նշենք, որ 2026 թվականին տեղի են ունենալու Լիբանանի խորհրդարանական ընտրությունները, և անցած կիրակի օրվա ընտրությունների արդյունքները կարևոր էին հայ համայնքի քաղաքական կշիռը հաստատելու իմաստով: Քաղաքային խորհրդի ընտրություններին զուգահեռ, տեղի ունեցան նաև թաղապետերի ընտրություններ, որոնցում նույնպես ամբողջական հաղթանակ արձանագրեցին ՍԴՀԿ-ի, ՀՅԴ-ի և Ռամկավար Ազատական կուսակցության թեկնածուները»,-հայտնել են ՍԴՀԿ-ի մամուլի և տեղեկատվության գրասենյակից։ Ընտրությունների այս փուլում հայ համայնքի կողմից դրսևորված միասնական մոտեցումը վկայում է նրա՝ Լիբանանի հասարակական-քաղաքական կյանքում ակտիվ մասնակցության և շարունակական ներգրավվածության մասին։   Ուշագրավ Ընդգծվել է ուժի կիրառման անընդունելիությունը և կոչ է արվել ձեռնպահ մնալ ռազմատենչ հռետորաբանությունից «Մեզ ասում էին, թե մեր խոսքերը չափազանց կտրուկ են, որ դա չի մոտեցնում խաղաղությունը»,–բողոքել է նա Հաջիզադեն ասել է, թե հայտարարությունը «զարմանք է առաջացնում», և մեղադրանքներ հնչեցրել Հայաստանի հասցեին Նա հավելել է, որ Թուրքիան աջակցում է Ադրբեջանի և ՀՀ միջև խաղաղության գործընթացին   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
