  Կառավարությունն աջակցության ծրագրեր է մշակում կոնյակագործների համար 22 մայիսի 2025 - 16:12 AMT PanARMENIAN.Net - Հայաստանի կառավարությունն աջակցության ծրագրեր է մշակում կոնյակագործների համար:Կառավարության նիստից հետո լրագրողների հետ զրույցում այս մասին ասել է Էկոնոմիկայի նախարար Գևորգ Պապոյանը՝ անդրադառնալով կոնյակագործների բարձրացրած խնդիրներին։ «ՀՀ կառավարությունը հիմա մշակում է աջակցության ծրագրեր մեր կոնյակագործների համար, որոնք պետք է սեպտեմբեր–հոկտեմբեր ամիսներին ապահովեն խաղողի անխափան մթերումները: Այսինքն՝ մթերում–արտահանում տրամաբանությամբ մենք մեր բոլոր կազմակերպություններին, որոնք ներգրավված են այդ գործընթացում, կաջակցենք: Բայց պայմանը պետք է լինի խաղողի անխափան և պատշաճ որակի մթերման կազմակերպումը»,–ասել է Պապոյանը, հայտնում է Արմենպրեսը։ Անդրադառնալով Հայաստանից Ռուսաստան կոնյակի և ալկոհոլային այլ խմիչքների արտահանման գործընթացում վրացական կողմի հարուցած խոչընդոտներին՝ նախարարը հայտնել է, որ այդ հարցով շուտով հանդիպելու է կոնյակագործների հետ: Մեկ անգամ հրապարակային հանդիպում ևս ունեցել է նրանց հետ: Նրա խոսքով՝ վրացական կողմի հետ որոշակի քննարկման արդյունքների ամփոփում ունեն: Կհանդիպեն, այդ հարցերը կքննարկեն նաև կոնյակագործների հետ: «Կառավարությունը մեր խաղողագործներին, մեր գյուղացիներին, մեր ֆերմերներին, մեր կոնյակի սպիրտ արտադրողներին և պատրաստի կոնյակ արտահանողներին մենակ չի թողել և չի թողնի, և մենք որոշակի աջակցության մեխանիզմներ կունենանք»,–վստահեցրել է նախարարը։ Կոնյակ արտադրողներն ու բեռնափոխադրողները բողոքի ակցիաներ են իրականացնում՝ այդ թվում Հայաստանում Վրաստանի դեսպանության առաջ: Նրանք բարձրաձայնում են Վրաստանի տարածքով Ռուսաստան կոնյակի արտահանման գործընթացում անցակետում առաջացող խոչընդոտները: Ըստ նրանց՝ վրացական կողմում լաբորատոր ստուգում են իրականացնում, բեռնատարները շաբաթներով կանգնեցնում են:   Ուշագրավ Սեպտեմբերի 1-ից ուժի մեջ են մտել տաքսի ծառայության ոլորտի նոր կարգավորումները Նախարարը ենթադրում է` ՌԴ–ից ՀՀ ժամանող զբոսաշրջիկների թիվը կրճատվել է, քանի որ ռելոկանտների մի մասը վերադարձել է հայրենիք Կովկասում էլեկտրական ավտոբուսներ առաջինը Գյումրին են մտնում Նա նշել է, որ Իրանը 46 կմ սահման ունի ՀՀ հետ, որն ամենաանվտանգ սահմաններից է   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄViva-ն ամպային ծառայությունների աճող պահանջարկ է գրանցել Viva-ի ենթակառուցվածքները նոր են և համապատասխանում են միջազգային բոլոր ստանդարտներին |
