  ՀՀ 9 թանգարանի տնօրեններ կայցելեն ԱՄՆ 23 մայիսի 2025 - 15:41 AMT PanARMENIAN.Net - ՀՀ 9 թանգարանի ղեկավարներ մայիսի 27-ից հունիսի 7-ը կմասնակցեն ԱՄՆ կառավարության «Մշակութային կազմակերպություններում կառավարման գերազանցության խթանումը» խորագրով Միջազգային այցելու ծրագրին։ Այս նախաձեռնությունն իրականություն է դարձել ԱՄՆ դեսպանության և Մշակույթի զարգացման հիմնադրամի համատեղ ջանքերով, հայտնում է Panorama.am-ը։ Այցի ընթացքում ծրագրված են մի շարք այցեր ու հանդիպումներ Վաշինգտոնում (Կոլումբիա), Ֆիլադելֆիայում (Փենսիլվանիա) և Թուլսայում (Օկլահոմա) գործող մշակութային հաստատություններում, թանգարաններում, ինչպես նաև պետական կառույցներում։ Ծրագրի գլխավոր նպատակը հայ մասնակիցների համար փորձի փոխանակման և երկկողմ ու բազմակողմ համագործակցային կապերի ստեղծման հնարավորության ընձեռումն է՝ ապագա ծրագրերի և նախագծերի զարգացման համար։ Հայաստանից կմեկնեն Հայաստանի ազգային պատկերասրահի, Սերգեյ Փարաջանովի թանգարանի, Ե․ Չարենցի տուն-թանգարանի, Ավետիք Իսահակյանի տուն-թանգարանի, Խաչատուր Աբովյանի տուն-թանգարանի, Մարտիրոս Սարյանի տուն-թանգարանի, Սարդարապատի հերոսամարտի հուշահամալիր և հայոց ազգագրության և ազատագրական պայքարի պատմության թանգարանի, Արամ Խաչատրյանի տուն-թանգարանի տնօրենները, ինչպես նաև Պատմամշակութային արգելոց-թանգարանների և պատմական միջավայրի պահպանության ծառայության փոխտնօրենը։ Նախաձեռնող և ծրագրի համակարգող կառույցը հանդիսանում է Մշակույթի զարգացման հիմնադրամը։ «Այս ծրագիրը բացառիկ հնարավորություն է Հայաստանի թանգարանների ղեկավարների համար՝ ծանոթանալու մշակութային կառավարման ժամանակակից մեթոդներին, ընդլայնելու համագործակցության շրջանակները և ներկայացնելու հայկական մշակութային ժառանգությունը միջազգային հարթակներում։ Մենք ամեն ինչ անելու ենք, որ նմանատիպ ծրագրերը լինեն արդյունավետ ու շարունակական»,-նշել է հիմնադրամի արտաքին կապերի ղեկավար Հայկ Մկրտչյանը։   Ուշագրավ Ֆիլմի ռեժիսորը Զառա Ջյանն է Պլասիդո Դոմինգոն Երևանում ելույթ է ունեցել նաև 2010–ին Փեյնի հեղինակած 8 լիամետրաժ ֆիլմերն առաջադրվել են ընդհանուր թվով 24 Օսկարի Տիգրան Ավինյանն ու Գրեգորի Դուսեն այցելել են պատմական թաղամաս   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
