  Իրան–Իսրայել ճգնաժամի պատճառով հետաձգվել է Չինաստանից մուլտիմոդալ երթուղու գործարկումը 17 հունիսի 2025 - 12:10 AMT PanARMENIAN.Net - Իրանա–իսրայելական հակամարտության պատճառով Չինաստանից Հայաստան նախատեսված նոր մուլտիմոդալ երթուղու գործարկման ժամկետները փոխվել են։ Այս մասին տեղեկացրել է Հայաստանի առևտրաարդյունաբերական պալատի փոխնախագահ Կարեն Իվանովը, գրում է Sputnik Արմենիան։ Նոր երթուղին, որը պիտի անցներ Ղազախստանի, Թուրքմենստանի և Իրանի տարածքով, նախատեսված էր գործարկել հունիս ամսին։ «Կողմերի միջև համաձայնագիր է ստորագրվել։ Նախատեսում էինք հունիսի 20-ից հետո գործարկել չինական Սիանից Երևան առաջին կոնտեյներային գնացքը։ Սակայն իրանա–իսրայելական հակամարտության սրացման ֆոնին առաքումը չեղարկվեց, քանի որ բեռը չի կարող հատել Իրանի տարածքը», - ասել է Իվանովը։ Նրա խոսքով, երթուղին մուլտիմոդալ է, այսինքն՝ ներառում է միաժամանակ ծովային և ցամաքային՝ բեռնատար փոխադրումներ։ Այս նախաձեռնության հեղինակը հայկական կողմն է, իսկ երթուղու տեխնիկական կազմակերպումը վերապահված է Ղազախստանին։ Ըստ ծրագրի՝ Չինաստանից մեկնող կոնտեյներային գնացքը հասնելու է Ղազախստան, այնուհետև՝ Թուրքմենստան, այնտեղից անցնելու է Իրանի տարածքով՝ հասնելով Ջուլֆայի կայարան-տերմինալ։ Այդտեղ բեռնարկղերն ապաբեռնաթափվելու են, իսկ ապրանքները բեռնատարներով հասցվելու են Երևան։ Տվյալ երթուղով բեռները Չինաստանից Հայաստան պետք է տեղափոխվեին մոտ 25 օրվա ընթացքում։ Չնայած ծովային փոխադրումներից ավելի թանկ լինելուն, այս տարբերակը տնտեսական տեսանկյունից ավելի շահավետ է, քան ավտոմոբիլային փոխադրումները։ Ներկայում Չինաստանից Հայաստան ապրանքների ներմուծումը իրականացվում է երկու հիմնական ճանապարհով՝ կամ ԱՄԷ-ի Դուբայով ու Իրանով՝ Բենդեր Աբբասի նավահանգստի միջոցով, կամ Աֆրիկայի շուրջ ծովային ճանապարհով՝ Միջերկրական ծով մտնելով Բարեհուսո հրվանդանի շրջանցմամբ։   Ուշագրավ Սեպտեմբերի 1-ից ուժի մեջ են մտել տաքսի ծառայության ոլորտի նոր կարգավորումները Նախարարը ենթադրում է` ՌԴ–ից ՀՀ ժամանող զբոսաշրջիկների թիվը կրճատվել է, քանի որ ռելոկանտների մի մասը վերադարձել է հայրենիք Կովկասում էլեկտրական ավտոբուսներ առաջինը Գյումրին են մտնում Նա նշել է, որ Իրանը 46 կմ սահման ունի ՀՀ հետ, որն ամենաանվտանգ սահմաններից է   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄViva-ն ամպային ծառայությունների աճող պահանջարկ է գրանցել Viva-ի ենթակառուցվածքները նոր են և համապատասխանում են միջազգային բոլոր ստանդարտներին |
