Կարապետյանը հունիսի սկզբին դատական հայց է ներկայացրել Ֆրանսիայի դեմ՝ առանձնատան հարցով

PanARMENIAN.Net - «Տաշիր» խմբի սեփականատեր Սամվել Կարապետյանը դատական հայց է ներկայացրել Ֆրանսիայի դեմ՝ իր անշարժ գույքի բռնագանձման գործով։ Հայցը ներկայացվել է Ներդրումային վեճերի կարգավորման միջազգային կենտրոն

Հայցը ներկայացվել է հունիսի սկզբին և հավանաբար, վերաբերում է Կոտ դ’Ազուրում գտնվող առանձնատանը, որի արժեքը մոտ 120 միլիոն եվրո է։ Իրավաբանները կարծում են, որ Հայաստանում Կարապետյանի դեմ սկսված քրեական հետապնդումը կարող է թուլացնելով նրա դիրքերը Ֆրանսիայի իշխանությունների դեմ արբիտրաժային գործի քննության ժամանակ, գրում է »Կոմերսանտը»։

Կարապետյանը դիմել է Ներդրումային վեճերի կարգավորման միջազգային կենտրոնին (ICSID), որն ընդգրկված է Համաշխարհային բանկի խմբում և որի գլխավոր գրասենյակը գտնվում է Վաշինգտոնում։

Թե կոնկրետ ինչ պահանջներ են ներկայացվել և ինչ բովանդակություն ունի գործը, հրապարակված չէ, սակայն հայտնի է, որ վեճը վերաբերել է անշարժ գույքին։

Հունիսի լույս 18–ի գիշերը գործարարՍամվել Կարապետյանըդուրս է եկել Երևանի իր առանձնատնից ևիրավապահների հետ հեռացել։ Ավելի ուշ հայտնի դարձավ, որ նա հարցաքննվում է ՔԿ–ում, իսկ երեկոյան նա 2 ամսով կալանավորվեց՝ ՀՀ կառավարության լիազորություններին տիրանալnւն ուղղված հրապարակային կոչի համար։

Ի պատասխան Փաշինյանը գրել էր․ «Պոռնկաբարո «հոգևորականներն» ու նրանց պոռնկաբարո «բարեգործներն» ինչո՞ւ են ակտիվացել։ Ոչինչ՝ նորից կպասիվացնենք։ Ընդ որում՝ ընդմիշտ»: Ավելի ուշ նա հավելել է, որ ՀԷՑ–ը պետք է պետականացվի և շատ արագ։