Հունիսի 24–ին Բաքվի ռազմական դատարանում տեղի է ունեցել Արցախի նախկին պետնախարար Ռուբեն Վարդանյանի շինծու գործով դատական ֆարսի հերթական նիստը։

Նիստը կայացել է դատավոր Զեյնալ Աղաևի նախագահությամբ, կազմում էին նաև դատավորներ Անար Ռզաևը և Ջամալ Ռամազանովը (պահեստային դատավոր՝ Գյունել Սամեդովա)։ Վարդանյանին տրամադրվել է ռուսերեն թարգմանիչ, ինչպես նաև պաշտպան՝ իր ընտրությամբ, գրում է Minval.az–ը։

Դատարանում ցուցմունքներ են տվել այսպես կոչված «տուծաները», որոնք պատմել են Արցախում ռազմական գործողությունների ժամանակ «բ»իրենց ստացած վիրավորումների«/բ» կամ իրենց հարազատների մահվան մասին։

Նիստի ընթացքում հրապարակվել են տուժածների վերաբերյալ դատաբժշկական փորձաքննության արդյունքները։

Հաջորդ դատական նիստը նշանակված է հուլիսի 1-ին։

ԱՄՆ նախագահի ազգային անվտանգության հարցերով խորհրդական Մայք Ուոլցը հայտարարել է, որ Ադրբեջանի նախագահի ազգային անվտանգության հարցերով խորհրդական Հիքմեթ Հաջիևի հետ զրույցում ասել է նրան, որ պետք է ազատ արձակել գերիներին և ավարտին հասցնել ՀՀ հետ խաղաղության պայմանագրի ստորագրումը։

Ռուբեն Վարդանյանի փաստաբան Ջարեդ Գենսերը կոչ է արել Հայաստանի վարչապետ Նիկոլ Փաշինյանին ու ԱԳ նախարար Արարատ Միրզոյանին ուշադրությամբ ուսումնասիրել ԱՄՆ նախագահ Դոնալդ Թրամփի և ԱՄՆ նախագահի ազգային անվտանգության հարցերով խորհրդական Մայք Ուոլցի հայտարարությունները։