Հոգեմետ դեղերի էլեկտրոնային դեղատոմսերով դուրսգրումը հետաձգվեց

PanARMENIAN.Net - Էլեկտրոնային դեղատոմսերով հոգեմետ դեղերի դուրսգրումը ժամանակավորապես հետաձգվել է՝ նոր կարգի ներդրման ընթացքում խոչընդոտներից խուսափելու համար։

Հոգեներգործուն նյութեր պարունակող դեղերի էլեկտրոնային դեղատոմսերով տրամադրումը փոքր ժամկետով հետաձգվել է և սահմանվել է, որ այն ուժի մեջ կմտնի միայն 2025 թվականի սեպտեմբերի 1-ից, հայտնում է Sputnik Արմենիան։

ՀՀ կառավարության այսօրվա նիստում ընդունված որոշման համաձայն՝ այս հետաձգումը պայմանավորված է ներկայում առկա որոշ խնդիրներով, ինչպես նաև էլեկտրոնային համակարգի ներդրման անհրաժեշտությամբ, որը ենթադրում է աստիճանական մոտեցում։

Որոշման հիմնավորման մեջ նշված է. «Հաշվի առնելով, որ էլեկտրոնային դեղատոմսով գրման ու բաց թողնման գործընթացը ՀՀ–ում իրականացվում է առաջին անգամ, ուստի ծրագրի 1–ին փուլի ներդրման գործընթացի նկատմամբ պատշաճ վերահսկողություն իրականացնելու, հնարավոր ռիսկերից խուսափելու, խնդիրները վերլուծելու, կատարելագործելու նպատակով, առաջարկվում է երկարաձգել դեղատոմսով բաց թողնվող այլ դեղերի մասով էլեկտրոնային դեղատոմսերի գրման ու բացթողման գործընթացը և ներդնել փուլային կարգով»:

Կառավարությունը նախագիծը հաստատելով՝ նպատակ ունի նվազեցնել նոր կարգի պատճառով բնակչության մոտ կարող առաջանալ անհարմարությունները, ինչպես նաև բժիշկների վրա ավելորդ աշխատանքային ճնշումը։