  Մակրոնը համերաշխություն է հայտնել Փաշինյանին՝ հայկական ժողովրդավարությունն ապակայունացնելու փորձերի դեմ քայլերում 30 հունիսի 2025 - 10:23 AMT PanARMENIAN.Net - Ֆրանսիայի նախագահ Էմանուել Մակրոնը, անդրադառնալով իր Հայաստանի վարչապետ Նիկոլ Փաշինյանի հետ հեռախոսազրույցին, նշել է, որ Ֆրանսիայի համերաշխությունն է հայտնել «հայկական ժողովրդավարությունն ապակայունացնելու փորձերի դեմ պայքարում»։ Այդ մասին ասվում է նրա X-ի միկրոբլոգում։ «Լավ հեռախոսազրույց եմ ունեցել Հայաստանի վարչապետ Նիկոլ Փաշինյանի հետ։ Ես հայտնել եմ Ֆրանսիայի համերաշխությունը հայկական ժողովրդավարությունն ապակայունացնելու փորձերի դեմ պայքարում։ Ես նաև վերահաստատել եմ մեր աջակցությունը՝ Ադրբեջանի հետ խաղաղություն հաստատելու և Թուրքիայի հետ հարաբերությունները կարգավորելու ուղղությամբ նրա խիզախ ջանքերին։ Խաղաղությունը և բաց սահմանները ամբողջ տարածաշրջանի համար կդառնան կարևոր զարգացում և օրինակ այլոց համար»,- ասվում է գրառման մեջ։ Փաշինյանն ու Մակրոնը տեղի ունեցած հեռախոսազրույցում անդրադարձել են Հայաստանի ու Ֆրանսիայի միջև երկկողմ հարաբերություններին, ինչպես նաև տարածաշրջանային ու միջազգային կարևոր թեմաներին, հայտնում է վարչապետի մամուլի ծառայությունը։ Հայաստանի կառավարության ղեկավարը իր երախտագիտությունն է հայտնել Ֆրանսիայի առաջնորդին՝ հայ-ֆրանսիական կապերի առաջխաղացման գործում նրա անհատական ներգրավվածության համար։ Երկու երկրների ղեկավարները համաձայնության են հասել խորացնել համագործակցությունը մի քանի առանցքային ուղղություններով։ ՀՀ վարչապետ Նիկոլ Փաշինյանը ևս անդրադարձ է կատարել Ֆրանսիայի նախագահ Էմանուել Մակրոնի հետ ունեցած հեռախոսազրույցի մանրամասներին։ Փաշինյանը X-ի իր միկրոբլոգում գրել է, որ քննարկման առարկա են դարձել երկկողմ համագործակցության, տարածաշրջանային զարգացումների և միջազգային օրակարգի մի շարք հիմնախնդիրներ, այդ թվում՝ խաղաղության հասնելու ռազմավարական ուղիները։ «Շնորհակալություն հայտնեցի նրան կապերի ամրապնդման գործում ունեցած անձնական ներդրման համար»,– նշել է Փաշինյանը։   Ուշագրավ Ընդգծվել է ուժի կիրառման անընդունելիությունը և կոչ է արվել ձեռնպահ մնալ ռազմատենչ հռետորաբանությունից «Մեզ ասում էին, թե մեր խոսքերը չափազանց կտրուկ են, որ դա չի մոտեցնում խաղաղությունը»,–բողոքել է նա Հաջիզադեն ասել է, թե հայտարարությունը «զարմանք է առաջացնում», և մեղադրանքներ հնչեցրել Հայաստանի հասցեին Նա հավելել է, որ Թուրքիան աջակցում է Ադրբեջանի և ՀՀ միջև խաղաղության գործընթացին   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
