  Սոբհանի․ Իրանը պաշտոնական գրությամբ իր վերապահումներն է հայտնել ՏՀԿ հայտարարության վերաբերյալ 8 հուլիսի 2025 - 17:39 AMT PanARMENIAN.Net - Հայաստանում Իրանի դեսպան Մեհդի Սոբհանին հայտարարել է, որ Տնտեսական համագործակցության կազմակերպության վերջերս կայացած գագաթնաժողովի արդյունքներով ընդունված կոմյունիկեի որոշ դրույթներ, որտեղ օգտագործվել են ՀՀտարածքային ամբողջականությունը խախտող շինծու հասկացություններ, չեն համապատասխանում Իրանի դիրքորոշմանը։ Իրանը պաշտոնական գրությամբ իր վերապահումներն է հայտնել Տնտեսական համագործակցության կազմակերպությանը այս հայտարարության վերաբերյալ։ Դեսպանը պարզաբանել է, որ հայտարարությունը վերագրելի է միայն գագաթնաժողովի նախագահողին՝ այս դեպքում Ադրբեջանի նախագահ Իլհամ Ալիևին, և պարտադիր չէ, որ արտացոլի գագաթնաժողովին մասնակցած պետությունների ընդհանուր տեսակետը, հայտնում է Արմենպրեսը։ «Ինչպես մենք մեր դիրքորոշումը արտահայտեցինք Ստամբուլում վերջերս հրապարակված Իսլամական պետությունների համագործակցության հայտարարության վերաբերյալ, այս հայտարարության մեջ ներառված որոշ դրույթներ, այդ թվում՝ Հայաստանի Հանրապետության նկատմամբ տարածքային պահանջներ ներառող շինծու հասկացությունները, հակասում են բարեկամ և հարևան երկրի՝ Հայաստանի Հանրապետության նկատմամբ Իրանի Իսլամական Հանրապետության սկզբունքային դիրքորոշումներին և հաստատման ենթակա չեն։ Իրանը, ինչպես նախկինում, աջակցում է Հայաստանի Հանրապետության և Ադրբեջանի Հանրապետության միջև խաղաղության բանակցությունների գործընթացին և կարևորում է խաղաղության համաձայնագրի ստորագրումը, որի դրույթները հաստատել են երկու կողմերը։ Մենք պաշտոնական գրությամբ մեր վերապահումները հայտնել ենք «Տնտեսական համագործակցության կազմակերպությանը» այս հայտարարության վերաբերյալ»,–նշել է Մեհդի Սոբհանին։ Հուլիսի 3-4-ը հայաթափված Ստեփանակերտում տեղի է ունեցել Տնտեսական համագործակցության կազմակերպության 17-րդ գագաթնաժողովը՝ անդամակցությամբ Ադրբեջանի, Թուրքիայի, Իրանի, Աֆղանստանի, Տաջիկստանի, Ղրղզստանի, Պակիստանի, Ղազախստանի, Ուզբեկստանի և Թուրքմենստանի ներկայացուցիչների։ Ադրբեջանի ԱԳՆ-ն գագաթնաժողովից հետո տարածել է հայտարարություն, որի մեջ ներառվել են ադրբեջանական քարոզչությանը համահունչ ձևակերպումներ՝ իբր ադրբեջանցիների՝ Հայաստանի տարածք վերադառնալու իրավունքի վերաբերյալ։   Ուշագրավ Նա ասել է, որ աշխատելու է Մոսկվայի և Երևանի հարաբերությունների կարգավորման վրա Նստաշրջանը կայանալու է նոյեմբերին Նրա խոսքով, աշխարհում իրավիճակը բավականին բարդ է, տարածաշրջանում` առավել ևս   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
