  ՀՀ–ն 2 նոր հայտ կներկայացնի ՅՈւՆԵՍԿՕ-ին, որից մեկն առնչվում է «Արենի-1» քարայրին 3 սեպտեմբերի 2025 - 14:30 AMT PanARMENIAN.Net - Հայաստանը մտադիր է երկու նոր հայտ ներկայացնել ՅՈւՆԵՍԿՕ-ի Համաշխարհային ժառանգության նախնական ցանկում ընդգրկվելու համար։ ՅՈւՆԵՍԿՕ-ի համաշխարհային ժառանգության 1972 թ․ կոնվենցիայի ազգային համակարգող Հարություն Վանյանն աշխատանքային խմբի հանդիպմանն ասել է, որ հայտերից մեկը պատրաստվել և ներկայացվել է ՅՈւՆԵՍԿՕ, որի վերաբերյալ առաջիկայում կհայտարարվի։ Երկրորդ հայտը մշակվում է պետություն-մասնավոր համագործակցության շրջանակում և առնչվում է «Արենի-1» քարայրին՝ դրա կապով գինեգործության պատմական ավանդույթի հետ։ Վանյանը նաև ներկայացրել է վերջին երկու տարիներին նախնական ցանկում ընդգրկված երեք մշակութային հուշարձանները՝ «Տիրինկատարի վիշապաքարերը և մշակութային լանդշաֆտը», «Երևանի ուրարտական ժառանգությունը», ինչպես նաև «Գառնի հնագիտական համալիրը և Քարերի սիմֆոնիան»։ Նա շնորհակալություն է հայտնել բոլոր այն կազմակերպություններին, որոնք աջակցել են հայտերի պատրաստման գործընթացում։ Հանդիպման ժամանակ քննարկվել են հետագա քայլերը՝ ուղղված նոր հուշարձանների ներառմանը Համաշխարհային ժառանգության ցանկում։ Մասնավորապես, անդրադարձ է եղել նախնական ցանկում ընդգրկված հուշարձանները հիմնական ցանկ տեղափոխելու գործընթացին, ինչպես նաև՝ այլ հնարավոր թեկնածուների՝ ցանկում ներառման չափանիշներին համապատասխանելու հավանականությանը։ Բացի այդ, դիտարկվել է բնության հուշարձան առաջարկելու տարբերակը՝ որպես ցանկի առանձին բաղադրիչ։ ՀՀ կրթության, գիտության, մշակույթի և սպորտի նախարարությունում տեղի է ունեցել ՅՈւՆԵՍԿՕ-ի համաշխարհային ժառանգության 1972 թ. կոնվենցիայի շրջանակում կատարվող աշխատանքների և ընթացիկ հարցերի քննարկման նպատակով ձևավորված աշխատանքային խմբի հանդիպումը։ Աշխատանքային խմբում ընդգրկված են ներկայացուցիչներ ՀՀ արտաքին գործերի, Շրջակա միջավայրի նախարարություններից, «Պատմամշակութային արգելոց-թանգարանների և պատմական միջավայրի պահպանության ծառայություն», «Պատմամշակութային ժառանգության գիտահետազոտական կենտրոն» ՊՈԱԿ-ներից, ՀՀ ԳԱԱ հնագիտության և ազգագրության իստիտուտից, ՀՀ ԳԱԱ պատմության իստիտուտից, «ԻԿՕՄՕՍ Հայաստան» հասարակական կազմակերպությունից։   Ուշագրավ Ֆիլմի ռեժիսորը Զառա Ջյանն է Պլասիդո Դոմինգոն Երևանում ելույթ է ունեցել նաև 2010–ին Փեյնի հեղինակած 8 լիամետրաժ ֆիլմերն առաջադրվել են ընդհանուր թվով 24 Օսկարի Տիգրան Ավինյանն ու Գրեգորի Դուսեն այցելել են պատմական թաղամաս   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
