  Զախարովա․ ՌԴ–ն կողմ է ՀՀ և Թուրքիայի շուտափույթ հաշտեցմանը 18 սեպտեմբերի 2025 - 18:43 AMT PanARMENIAN.Net - ՌԴ արտգործնախարարության պաշտոնական ներկայացուցիչ Մարիա Զախարովան ճեպզրույցում հայտարարել է, որ Ռուսաստանը մշտապես եղել է Հայաստանի և Թուրքիայի միջև շուտափույթ հաշտեցման կողմնակից՝ այն դիտարկելով որպես հարավային Կովկասում հասցեական խաղաղության և կայուն զարգացման կարևոր նախապայման։ Ռուս դիվանագետը հիշեցրել է, որ հայ-թուրքական բանակցությունների առաջին փուլը տեղի է ունեցել 2022 թվականի հունվարին Մոսկվայում, հայտնում է Sputnik Արմենիան։ «Պատրաստ ենք հետագայում ևս աջակցել ջանքերին, այդ թվում ՝ «3+3» ձևաչափի շրջանակներում։ Ակնկալում ենք, որ Անկարայի և Երևանի միջև պայմանավորվածությունների մշակման ժամանակ հաշվի կառնվեն առկա իրողություններն ու Հարավային Կովկասի հարևանների շահերը»,- նշել է նա։ Դրա համար, դիվանագետի խոսքով, կարևոր է բացառել արտաքին խաղացողների ապակառուցողական միջամտությունն այս բարդ բանակցային գործընթացին։ Հայաստանի և Թուրքիայի միջև հարաբերությունների կարգավորման գործընթացի հատուկ ներկայացուցիչների՝ Ռուբեն Ռուբինյանի և Սերդար Քըլըչի առաջին հանդիպումը տեղի է ունեցել 2022 թվականի հունվարի 14-ին Մոսկվայում։ Սույն թվականի սեպտեմբերի 13-ին Հայաստան էր այցելել հայ-թուրքական հարաբերությունների կարգավորման հարցերով Թուրքիայի հատուկ ներկայացուցիչ Սերդար Քըլըչը:   Ուշագրավ Ընդգծվել է ուժի կիրառման անընդունելիությունը և կոչ է արվել ձեռնպահ մնալ ռազմատենչ հռետորաբանությունից «Մեզ ասում էին, թե մեր խոսքերը չափազանց կտրուկ են, որ դա չի մոտեցնում խաղաղությունը»,–բողոքել է նա Հաջիզադեն ասել է, թե հայտարարությունը «զարմանք է առաջացնում», և մեղադրանքներ հնչեցրել Հայաստանի հասցեին Նա հավելել է, որ Թուրքիան աջակցում է Ադրբեջանի և ՀՀ միջև խաղաղության գործընթացին   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
