  Մերձավանում 30-ից ավելի հասցե է խուզարկվել 8 հոկտեմբերի 2025 - 16:42 AMT PanARMENIAN.Net - Փարաքար համայնքի Մերձավան բնակավայրում ոստիկանությունը, վերջին իրադարձություններով պայմանավորված, օրենքով իրեն վերապահված լիազորությունների սահմաններում իրականացնում է կանխարգելիչ միջոցառումներ։ Այս մասին հայտնում են Ներքին գործերի նախարարությունից, տեղեկացնում է Factor.am-ը։ Նշվել է, որ նախաձեռնված քրեական վարույթի շրջանակում, դատարանի որոշմամբ, Քննչական կոմիտեի գործընկերների հետ 30-ից ավելի հասցեներում խուզարկություններ են իրականացվել: ՆԳՆ ընդգծել է, որ իրականացվող գործողությունները միտված են ինչպես հետագա հանցագործությունների կանխարգելմանը, այնպես էլ քննության արդյունավետությանը։ Սեպտեմբերի 23-ի երեկոյան Մերձավանում, համայնքապետ Վալոդյա Գրիգորյանի նորակառույց առանձնատան մոտ, դիմակավորված և ձեռնոցներով անձը մոտեցել էր երեք քաղաքացու և կրակահերթ բացել։ Ողբերգական միջադեպի հետևանքով զոհվել էին Վալոդյա Գրիգորյանը և նրա երկու ընկերները՝ ոստիկանության քրեական հետախուզության գլխավոր վարչության օպերլիազոր Կարեն Աբրահամյանը, իսկ Արծրուն Գալստյանը վիրավորվել էր։ Սպանության գործով սեպտեմբերի 26-ին ձերբակալվել է Նարեկ Օհանյանը, որը Մերձավանի նախկին համայնքապետ, ՔՊ-ական Մհեր Ախտոյանի հորաքրոջ որդին է։ Նա նաև եղբայրն է նույն համայնքում այս տարվա փետրվարին սպանված Գրիգոր Օհանյանի։ Սեպտեմբերի 28-ին ձերբակալվել է երկրորդ անձը, որը խոստովանել է, որ հենց ինքն է իրականացրել սպանությունը։ Հայտնաբերվել է նաև հանցագործության գործիք հանդիսացող հրազենը։   Ուշագրավ Նա ասել է, որ աշխատելու է Մոսկվայի և Երևանի հարաբերությունների կարգավորման վրա Նստաշրջանը կայանալու է նոյեմբերին Նրա խոսքով, աշխարհում իրավիճակը բավականին բարդ է, տարածաշրջանում` առավել ևս   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
