  Ֆինանսների նախարարը Վաշինգտոնում քննարկել է ԱՄՀ-ի նոր ծրագրի հնարավորությունները 15 հոկտեմբերի 2025 - 16:40 AMT PanARMENIAN.Net - ՀՀ ֆինանսների նախարար Վահե Հովհաննիսյանի գլխավորած պատվիրակությունը մասնակցել է Արժույթի միջազգային հիմնադրամի և Համաշխարհային բանկի կառավարիչների խորհուրդների՝ Վաշինգտոնում անցկացվող տարեկան համաժողովին։ Մի շարք երկկողմ հանդիպումների շրջանակում ՀՀ ֆինանսների նախարարության և Կենտրոնական բանկի ներկայացուցիչները բովանդակային և արդյունավետ քննարկումներ են վարել ԱՄՀ-ի բարձրաստիճան պաշտոնյաների հետ՝ անդրադառնալով Հայաստանի մակրոտնտեսական ընդհանուր իրավիճակին, հարկաբյուջետային քաղաքականությանը, ոլորտում արձանագրված վերջին միտումներին և տնտեսական կանխատեսումներին։ Հանդիպումների ընթացքում կողմերն ուշադրություն են դարձրել ԱՄՀ-ի աջակցությամբ իրականացվող նոր Պահուստային ծրագրով (Stand-by Arrangement) նախատեսված տնտեսական ցուցանիշներին, ինչպես նաև կողմերի միջև համագործակցության ռազմավարական ուղղություններին։ Ընդգծվել է խաղաղության օրակարգի շրջանակում բարեփոխումների և կայուն ենթակառուցվածքների զարգացմանն ուղղված ներդրումային ծրագրերի իրագործման անհրաժեշտությունը՝ ընդգծելով տարածաշրջանային տնտեսական կապերի խորացման կարևորությունը։ Այս համատեքստում քննարկվել է նաև ԱՄՀ-ի հետ նոր ծրագրի հնարավոր նպաստը Հայաստանի տնտեսական կայունության ամրապնդման, բարեփոխումների շարունակականության ապահովման և առավել բարեկեցիկ ապագայի ստեղծման գործում։ Հանդիպումների ավարտին կողմերը վերահաստատել են իրենց հանձնառությունը՝ խորացնելու առկա գործընկերությունը և ընդլայնելու նոր համատեղ նախաձեռնությունների իրագործման հեռանկարները։ Հայաստանի Ազգային ժողովի նախագահի տեղակալ Հակոբ Արշակյանը Վաշինգտոնում մասնակցել է Համաշխարհային բանկի խմբի և Արժույթի միջազգային հիմնադրամի 2025 թվականի տարեկան համաժողովի շրջանակում անցկացվող «Խորհրդարանական ներգրավվածություն 2025» խորագրով միջոցառմանը։ Ելույթի ընթացքում Հակոբ Արշակյանը կարևորել է միջազգային ֆինանսական կառույցների և խորհրդարանների արդյունավետ համագործակցությունը Հայաստանում իրականացվող ռազմավարական նշանակություն ունեցող ներդրումային ծրագրերին, ինչպիսիք են «Ինժեներական քաղաքը», «Ակադեմիական քաղաքը», «Խաղաղության խաչմերուկը»:   Ուշագրավ Սեպտեմբերի 1-ից ուժի մեջ են մտել տաքսի ծառայության ոլորտի նոր կարգավորումները Նախարարը ենթադրում է` ՌԴ–ից ՀՀ ժամանող զբոսաշրջիկների թիվը կրճատվել է, քանի որ ռելոկանտների մի մասը վերադարձել է հայրենիք Կովկասում էլեկտրական ավտոբուսներ առաջինը Գյումրին են մտնում Նա նշել է, որ Իրանը 46 կմ սահման ունի ՀՀ հետ, որն ամենաանվտանգ սահմաններից է   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄViva-ն ամպային ծառայությունների աճող պահանջարկ է գրանցել Viva-ի ենթակառուցվածքները նոր են և համապատասխանում են միջազգային բոլոր ստանդարտներին |
