 ԿԳՄՍՆ–ն և «Նազիկ Ավդալյան» հիմնադրամը կհամագործակցեն 25 նոյեմբերի 2025 - 15:57 AMT PanARMENIAN.Net - ՀՀ կրթության, գիտության, մշակույթի և սպորտի նախարարությունը և «Նազիկ Ավդալյան» սպորտի զարգացման հիմնադրամը համագործակցության հուշագիր։ Այն ստորագրել են ԿԳՄՍ նախարար Ժաննա Անդրեասյանը և հիմնադրամի հիմնադիր-տնօրեն, ծանրամարտի աշխարհի և Եվրոպայի չեմպիոն Նազիկ Ավդալյանը։ Հուշագրի նպատակն է համատեղել պետական քաղաքականությունն ու հասարակական նախաձեռնությունները՝ ուղղված սպորտի ոլորտի առաջխաղացմանը, նոր սերնդի մարզիկների պատրաստմանն ու նրանց միջազգային մրցաշարերին մասնակցության ապահովմանը։ Փաստաթուղթը միտված է նաև մարզական ենթակառուցվածքների զարգացմանը և այդ ռեսուրսների առավել լայն մատչելիության ապահովմանը՝ կրթական ու դաստիարակչական ծրագրերի միջոցով տարածելով առողջ կենսակերպ։ Ժաննա Անդրեասյանը ողջունել է Նազիկ Ավդալյանին՝ ընդգծելով նրա կարևոր դերը սպորտում ներշնչանքի աղբյուր դառնալու հարցում։ «Ուրախ եմ, որ սպորտի ոլորտում հիմնադրամ ձևավորելով՝ շարունակում եք Ձեր ներդրումն ունենալ ոլորտի զարգացման գործում: Լիահույս եմ՝ հուշագրի շրջանակում պետության հետ համագործակցելով՝ հատկապես մարզերում սպորտով զբաղվելու նոր հնարավորություններ կստեղծվեն»,–ասել է նա։ Իր խոսքում Նազիկ Ավդալյանն էլ կարևորել է պետական համագործակցության ձևաչափը՝ շնորհակալություն հայտնելով այս հնարավորության համար։ «Մենք մարզերում պրոֆեսիոնալ սպորտին միտված մեծ ռեսուրս ունենք, որը հնարավորինս զարգացնելով՝ լուրջ արդյունքներ կգրանցենք»,–նշել է նա։ Քննարկվել են առաջիկա անելիքներին վերաբերող հարցեր:   Ուշագրավ Ազատ ոճի ըմբշամարտի Հայաստանի պատանեկան հավաքականը թիմային հաշվարկում զբաղեցրել է 3-րդ հորիզոնականը «Այդ պահից հետո ամեն ինչ արմատապես փոխվեց»,- ասել է նա Հավանայում կայացել է Ծանրամարտի միջազգային ֆեդերացիայի նիստը Բարսեղյանը ամբողջ 5 կգ-ով առաջ է անցել երկրորդը ճանաչված Սաուդյան Արաբիայի պատվիրակից   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
