  AntiFake-ի խմբագրակազմն ու Սամսոնյանի կինը ակցիա են արել ԱՄՆ դեսպանատան մոտ 28 նոյեմբերի 2025 - 16:54 AMT PanARMENIAN.Net - AntiFake լրատվամիջոցի խմբագրության անդամները, ինչպես նաև այդ հարթակում հրապարակվող «Իմնեմնիմի» փոդքասթի համահեղինակ Նարեկ Սամսոնյանի կինը՝ Լուսինե Առաքելյանը, բողոքի ակցիա են անցկացրել ԱՄՆ դեսպանատան մոտ: «Հանրային ճնշումը կարող է աշխատել, ինչը լավագույն կերպով տեսանք Լիդյա Մանթաշյանի դեպքում։ Մենք շարունակելու ենք մեր բողոքի ակցիաները»,-ԱՄՆ դեսպանատան դիմաց լրագրողների հետ զրույցում հայտարարել է AntiFake-ի խմբագիր Աստղիկ Մաթևոսյանը, հայտնում է Panorama.am-ը։ Նա մանրամասնել է, որ այցի նպատակն է՝ ԱՄՆ դեսպանին փոխանցել Նարեկ Սամսոնյանի կնոջ՝ Լուսինե Առաքելյանի ուղերձը, որը վերաբերում է նրա նկատմամբ իրականացվող քաղաքական հետապնդմանը։ «Մի քանի օր առաջ նա ուղերձ է հղել ԱՄՆ դեսպանին, բայց որևէ արձագանք չկա։ Մեր խնդիրն է՝ այն առձեռն փոխանցել դեսպանին, որպեսզի վաղը, մյուս օրը չկարողանան ասել, որ տեղեկացված չեն եղել»,-ասել է Մաթևոսյանը։ Բացի ուղերձից, AntiFake-ի խմբագրակազմը պատրաստել է նամակ, որտեղ ներառված են փաստեր այն մասին, թե ինչպես է սկսվել գործը՝ իրավապահների գործողություններից մինչև խմբագրություն ներխուժելն ու տեխնիկայի առգրավումը։ Նոյեմբերի 13-ի վաղ առավոտյան, ԱԱԾ դիմակավորված ծառայողները ներխուժել են Նարեկ Սամսոնյանի և Վազգեն Սաղաթելյանի բնակարաններ, իրականացրել խուզարկություններ և նրանց ձերբակալել։ Դատարանը նրանց նկատմամբ ընտրել է երկամսյա կալանք։ Բացի նրանց բնակարաններից, խուզարկություն է իրականացվել նաև «Անտիֆեյք»-ի խմբագրությունում, որտեղից առգրավվել է ամբողջ տեխնիկան, իսկ երկու լրագրողներ նույնպես բերման են ենթարկվել։ Իրավապաշտպաններ և փաստաբաններ պնդում են, որ այս ամենի նպատակն է լռեցնել իշխանության քննադատողներին և ԶԼՄ-ներին։   Ուշագրավ Նա ասել է, որ աշխատելու է Մոսկվայի և Երևանի հարաբերությունների կարգավորման վրա Նստաշրջանը կայանալու է նոյեմբերին Նրա խոսքով, աշխարհում իրավիճակը բավականին բարդ է, տարածաշրջանում` առավել ևս   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
