  Բրյուսելում ներկայացվել են ՀՀ–ԵՄ գործընկերության նոր ուղղությունները 4 դեկտեմբերի 2025 - 11:07 AMT PanARMENIAN.Net - Բրյուսելում կայացած Արևելյան գործընկերության Քաղաքացիական հասարակության ֆորումի գագաթնաժողովի ընթացքում ՀՀ ԱԳ նախարարի տեղակալ Վահան Կոստանյանը ներկայացրել է Հայաստան–ԵՄ հարաբերությունների խորացմանն ուղղված նոր ռազմավարական ուղղությունները: Իր խոսքում ՀՀ ԱԳ նախարարի տեղակալն անդրադարձ է կատարել Հայաստան-ԵՄ հարաբերությունների զարգացմանը՝ ներկայացնելով «Հայաստան-ԵՄ գործընկերության ռազմավարական օրակարգ» փաստաթուղթը: Կոստանյանը նշել է, որ նոր փաստաթուղթը սահմանում է ՀՀ-ԵՄ գործընկերության նոր և հավակնոտ նպատակներ, այդ թվում՝ անվտանգության, կիբերանվտանգության և տնտեսական ոլորտներում։ Փոխնախարարը կարևորել է նաև ԵՄ արևելյան հարևանության տարածքում ընթացող քաղաքական և աշխարհագրական փոփոխությունները՝ առանձնացնելով դրանց ազդեցությունը ԵՄ արևելյան քաղաքականության վրա։ Նա անդրադարձ է կատարել Կենտրոնական Ասիայի երկրների հետ փոխգործակցության խորացման հնարավորություններին, ինչպես նաև ընդգծել է տարածաշրջանային կապերի ու տնտեսական փոխգործակցության կարևորությունը։ Կոստանյանը նշել է, որ 2027թ. հետո համագործակցության շարժիչ ուժը հանդիսանալու է տնտեսական հենասյունը, միաժամանակ շեշտելով ԱլԳ արժեքները՝ օրենքի գերակայությունը, մարդու իրավունքների պաշտպանությունը և ժողովրդավարությունը՝ դրանք համարելով տնտեսական և փոխկապակցվածության նախաձեռնությունների արդյունավետ իրականացման կարևոր բաղադրիչներ։ Աշխատանքային այցով Բելգիայում գտնվող ԱԳ նախարար Արարատ Միրզոյանն այցելել է Բրյուսելում Հայաստանի դիվանագիտական ներկայացուցչության համար գնված նոր շենք՝ քննարկելով դրա վերանորոգման և գործառնական ապահովման անհրաժեշտ գործողությունները։ «Կառավարության ջանքերով ընդլայնվում է ՀՀ ներկայացվածությունը, բարելավվում են դիվանագիտական ծառայության մարմինների գործունեության պայմանները»,-ասվում է հաղորդագրության մեջ։ Դեկտեմբերի 2-ին Արարատ Միրզոյանը Բրյուսելում հանդիպել է ԵՄ ընդլայնման հարցերով հանձնակատար Մարթա Կոսի հետ։ Նույն օրը՝ ՀՀ-ԵՄ գործընկերության խորհրդի վեցերորդ նիստի շրջանակում, ստորագրվել է «ՀՀ-ԵՄ գործընկերության ռազմավարական օրակարգ» փաստաթուղթը։ ՀՀ-ԵՄ Գործընկերության խորհրդի վեցերորդ նիստի ավարտին նաև ընդունվել է համատեղ հայտարարություն։   Ուշագրավ Նա ասել է, որ աշխատելու է Մոսկվայի և Երևանի հարաբերությունների կարգավորման վրա Նստաշրջանը կայանալու է նոյեմբերին Նրա խոսքով, աշխարհում իրավիճակը բավականին բարդ է, տարածաշրջանում` առավել ևս   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
