«Հայաստանի էլցանցերին» 42 մլն եվրո ՎԶԵԲ վարկ տրամադրելու մասին համաձայնագիրը ստորագրվել է Երեւանում17 հունիսի 2009 - 16:57 AMT PanARMENIAN.Net - Հունիսի 17-ին Երեւանում Հայաստանի վարչապետ Տիգրան Սարգսյանի ներկայությամբ տեղի է ունեցել մի շարք փաստաթղթերի ստորագրում արդիականցման համակարգի ֆինանսավորման եւ ցանցի էլեկտրական բաշխիչների վերականգնման համար Վնեշէկոնոմբանկի, Վերակուցման եւ զարգացման եվրոպական բանկի (ՎԶԵԲ), «Հայաստանի Էլեկտրական ցանցեր» ՓԲԸ-ի («ԻՆՏԵՐ ՌԱՕ ԵԷՍ» ԲԲԸ-ի դուստր ձեռնարկություն) մասնակցությամբ: Ստորագրվել է համաձայնագիր «Հայաստանի էլեկտրական ցանցեր» ՓԲԸ-ին 42 մլն եվրո չափով ՎԶԵԲ վարկը տրամադրելու, ինչպես նաեւ Վնեշէկոնոմ բանկի կողմից «Հայաստանի էլեկտրական ցանցեր» ՓԲԸ-ին 22.5 մլն եվրո վարկ հատկացնելու մասին: Ինչպես հայտնում է Վնեշէկոնոմբանկի մամլո ծառայությունը, Վնեշէկոնոմբանկի եւ ՎԶԵԲ-ի միջեւ ստորագրվել է միջվարկային համաձայնագիր: Փաստաթուղթը կարգավորում է այս նախագծում վարկատուների փոխհարաբերությունները, որոնք իրագործվում են համաֆինանսավորման սկզբունքների վրա: Վնեշէկոնոմբանկի եւ ՎԶԵԲ-ի մասնակցությունն այս նախագծի ֆինանսավորմանը նշված զարգացման ֆինանսական ինստիտուտների համատեղ ներդրումային նախագիծն է: Նախագիծն ուղղված է էներգիայի օգտագործման արդյունավետության բարձրացմանը, էլցանցերում կորուստների նվազմանը, ԱՊՀ երկրենրի էներգահամակարգերի ինտեգրման ուժեղացմանը: Վնեշէկոնոմբանկի ֆինանսական քաղաքականության մասին հուշագրին համապատասխան ապրանքների արտահանմանն ու ռուսական ընկերություներրի ծառայություններին աջակցելը Վնեշէկոնոմբանկի գործունեության գերիշխող ուղղվածություններից է: Վերակառուցման եւ զարգացման եվրոպական բանկը (ՎԶԵԲ) ստեղծվել է 1991-ին: ՎԶԵԲ ներդրումային գործիքներն օգտագործվում են 30 երկրեներում շուկայական տնտեսության եւ ժողովրդավարության կայացման համար` Կենտրոնական Եվրոպայից մինչեւ Կենտրոնական Ասիա: Բանկն իրականացնում է բանկերի, ձեռնարկությունների եւ ընկերությունների ֆինանսավորման նախագծեր` միջոցներ դնելով ինչպես նոր արտադրությունների, այնպես էլ գործող ֆիրմաների մեջ: «ԻՆՏԵՐ ՌԱՕ ԵԷՍ» ԲԲԸ-ն դինամիկ զարգացող էլեկտրաներգիական ընկերություն է, որը հսկում է մի շարք ծագող եւ բաշխիչ էներգետիկ ակտիվներ Ռուսաստանում եւ արտասահմանում: Էլեկտրակայանների հաստատված հզորությունը, որը գտնվում է «ԻՆՏԵՐ ՌԱՕ ԵԷՍ» ԲԲԸ-ի սեփականության եւ կառավարման տակ, կազմում է շուրջ 18 000 ՄԲթ: Ընկերությունը վարում է ակտիվ ներդրումային գործունեություն, գերիշխող դիրք է գրավում Ռուսաստանում էլեկտրաէներգիայի արտահանման-ներմուծման ոլորտում: «ԻՆՏԵՐ ՌԱՕ ԵԷՍ» ԲԲԸ-ի սահմանադիր կապիտալը կազմում է 227 մլրդ 411 մլն 385 հազար ռուբլի, ընկերության սահմանադիր կապիտալի 57.3 տոկոսը գտնվում է «Ռոսատոմ» պետական ընկերության եւ նրա կողմից վերահսկվող «Էներգատոմ» ԲԲԸ-ի սեփականության ներքո: «Հայաստանի էլեկտրական ցանցեր» ՓԲԸ-ն «ԻՆՏԵՐ ՌԱՕ ԵԷՍ» ԲԲԸ-ի 100 տոկոսանոց դուստր ձեռնարկությունն է: Ընկերությունն իրականացնում է ՀՀ ողջ տարածքում էլեկտրաէներգայի հաղորդման եւ բաշխման գործունեություն, ինչպես նաեւ ունի հարեւան երկրներին էլեկտրաէներգիայի արտահանման արտոնագիր: Ընկերության բաժանորդների թիվը շուրջ 940 հազար է: ![]() ![]() Սեպտեմբերի 1-ից ուժի մեջ են մտել տաքսի ծառայության ոլորտի նոր կարգավորումները Նախարարը ենթադրում է` ՌԴ–ից ՀՀ ժամանող զբոսաշրջիկների թիվը կրճատվել է, քանի որ ռելոկանտների մի մասը վերադարձել է հայրենիք Կովկասում էլեկտրական ավտոբուսներ առաջինը Գյումրին են մտնում Նա նշել է, որ Իրանը 46 կմ սահման ունի ՀՀ հետ, որն ամենաանվտանգ սահմաններից է ![]() ![]() ![]() | ![]() ![]() ![]() ![]() ![]() ![]() ![]() ![]() |