Մայր Աթոռը հրապարակել է կարգալույծների թիվը՝ հերքելով շահարկումները

PanARMENIAN.Net - Մայր Աթոռի տեղեկատվական համակարգը հայտնել է, որ վ երջին շրջանում անհարկի շահարկվում է Վեհափառ հայրապետի գահակալության օրոք, այսպես կոչված «անհարկի» կարգալուծությունների հարցը, հրապարկվում են ուռճացված թվեր, մինչդեռ պատկերն այլ է։

«Իրական պատկերը հետևյալն է՝ Ամենայն Հայոց հայրապետ Գարեգին Բ-ի գահակալության 26 տարում, ներառյալ Ստեփան Ասատրյանը, Վարդան Հունանյանը և Արամայիս Թախմազյանը, կարգալույծ է հռչակվել 101 հոգևորական, որոնցից՝

38 -ն ասպարեզը թողել է իր դիմումի համաձայն,

27-ն ինքնակամ լքել է ծառայության վայրը,

15-ը՝ թեմակալ առաջնորդների ներկայացրած միջնորդագրերի հիման վրա,

21-ը՝ ուղղակիորեն Վեհափառ Հայարապետի կողմից։

Ի դեպ՝ 2011 թվականին Նորին սրբության նախաձեռնությամբ ու տնօրինությամբ ստեղծվել է Պարգևների շնորհման և կարգապահական հարցերի հանձնախումբ՝ քննելու հոգևորականների հետ առնչված նմանատիպ հարցերը։

Հայոց Հայրապետի գահակալության 26 տարիների ընթացքում ձեռնադրվել է 491 հոգևորական, որոնք այսօր ծառայում են Հայաստանի և սփյուռքի թեմերում»,-ասվում է հայտարարության մեջ:

Վարչապետ Նիկոլ Փաշինյանն ու կաթողիկոսի հրաժարականը պահանջող 10 եպիսկոպոսներ և արքեպիսկոպոսներ հանդես են եկել հայտարարությամբ՝ կոչ անելով միանալ ՀԱԵ բարեփոխմանը: Փաշինյանն ընթերցել է հայտարարությունը ֆեյսբուքյան եթերում, որից հետո հայտարարությանը միացած եպիսկոպոսներն ու արքեպիսկոպոսները ստորագրել են այն: Փաշինյանը հայտնել է, որ ձևավորվում է համակարգող խորհուրդ, որի վրա դրված են Հայ Առաքելական եկեղեցու բարենորոգման կազմակերպման պարտականությունները։ Այդ խորհուրդը կարող է համալրվել միայն միաձայն որոշմամբ։

ՇվեյցարիայումՀայ Առաքելական եկեղեցու թեմի առաջնորդական տեղապահՏեր Գուսան ծայրագույն վարդապետ Ալճանյանըողջունել է ՀՀ վարչապետի և տասը եպիսկոպոսների և արքեպիսկոպոսների կողմից եկեղեցու բարենորոգմանՀամակարգող խորհրդիստեղծումը՝ հայտարարելով, որմիանում էայս նախաձեռնությանը