  Փաշինյանը կպարգևատրվի «Զայեդ» մրցանակով՝ Ադրբեջանի հետ խաղաղության ջանքերի համար 19 հունվարի 2026 - 18:40 AMT PanARMENIAN.Net - Մարդկային եղբայրության «Զայեդ» մրցանակի հանձնաժողովը բարձր գնահատանքի է արժանացրել Հայաստանի Հանրապետության և Ադրբեջանի Հանրապետության միջև խաղաղության և միջպետական հարաբերությունների հաստատման համաձայնագիրը և փետրվարին Աբու-Դաբիում մրցանակը կհանձնի ՀՀ վարչապետ Նիկոլ Փաշինյանին: Մրցանակի գլխավոր քարտուղար Մուհամմադ Աբդելսալամը նշել է, որ վարչապետ Նիկոլ Փաշինյանը շարունակաբար, հետևողականորեն և սկզբունքայնությամբ է առաջնորդվել՝ խաղաղության հաստատման և ամրապնդման գործընթացում։ Հանձնաժողովը հատկապես ընդգծել է, որ հաշտեցումը ոչ թե մեկանգամյա ակտ է, այլ՝ երկարաժամկետ և շարունակական գործընթաց։ 2026 թվականի մրցանակակիրները ընտրվել են անկախ, միջազգային մակարդակի հեղինակավոր կազմից բաղկացած դատավորական հանձնաժողովի կողմից։ Հանձնաժողովում ընդգրկված են եղել մի շարք հայտնի պետական, կրոնական և հումանիտար ոլորտի ներկայացուցիչներ, այդ թվում՝ Եվրոպական խորհրդի նախկին նախագահ Շառլ Միշելը, Աֆրիկյան միության հանձնաժողովի նախկին նախագահ Մուսա Ֆակի Մահամաթը, Վատիկանի կրթության դեպարտամենտի պրեֆեկտ կարդինալ Ժոզե Տոլենտինո դե Մենդոնսան, ՅՈՒՆԻՍԵՖ-ի գործադիր տնօրեն Քեթրին Ռասելը, ինչպես նաև Ուզբեկստանի նախագահի աշխատակազմի ղեկավար Սաիդա Միրզիյոևան։ Մրցանակը կոչված է խրախուսելու համերաշխությունն ու փոխըմբռնումը՝ միջազգային հարաբերությունների մակարդակում։ Օգոստոսի 8–ին Սպիտակ տանը կայացած ՀՀ վարչապետ Նիկոլ Փաշինյանի, ԱՄՆ նախագահ Դոնալդ Թրամփի և Ադրբեջանի նախագահ Իլհամ Ալիևի եռակողմ հանդիպմանը ստորագրվել է համատեղ Հռչակագիր` Վաշինգտոնում տեղի ունեցած հանդիպման արդյունքների մասին: Վաշինգտոնում Հայաստանի ԱԳ նախարար Արարատ Միրզոյանը և Ադրբեջանի ԱԳ նախարար Ջեյհուն Բայրամովը Հայաստանի, Ադրբեջանի և ԱՄՆ ղեկավարների ներկայությամբ նախաստորագրել են «Հայաստանի Հանրապետության և Ադրբեջանի Հանրապետության միջև խաղաղության և միջպետական հարաբերությունների հաստատման մասին» համաձայնագիրը։   Ուշագրավ Նա ասել է, որ աշխատելու է Մոսկվայի և Երևանի հարաբերությունների կարգավորման վրա Նստաշրջանը կայանալու է նոյեմբերին Նրա խոսքով, աշխարհում իրավիճակը բավականին բարդ է, տարածաշրջանում` առավել ևս   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
