Գրիգորյանն ու Ռիտերը բարձր են գնահատել ԵՄ առաքելության դերը

PanARMENIAN.Net - ՀՀ անվտանգության խորհրդի քարտուղար Արմեն Գրիգորյանը փետրվարի 3-ին հանդիպում է ունեցել Հայաստանում Եվրոպական միության քաղաքացիական դիտորդական առաքելության ղեկավար Մարկուս Ռիտերի հետ՝ վերջինիս պաշտոնավարման ավարտի առիթով։

Գրիգորյանը շնորհակալություն է հայտնել Մարկուս Ռիտերին համագործակցության և ցուցաբերած մեծ աշխատանքի համար։

Քաղաքացիական առաքելության գործունեության համատեքստում ԱԽ քարտուղարը ընդգծել է, որ դրա ներկայությունը Հայաստանում զգալիորեն նպաստել է անվտանգության ու կայունության պահպանմանը տարածաշրջանում։

Արմեն Գրիգորյյանը Ռիտերին մաղթել է հաջողություններ և նոր ձեռքբերումներ հետագա գործունեության ընթացքում։

Իր հերթին, Մարկուս Ռիտերը երախտագիտություն է հայտնել՝ հայաստանյան գործընկերների կողմից տարիների ընթացքում ցուցաբերած աջակցության և արդյունավետ համագործակցության համար։

Հանդիպման ընթացքում զրուցակիցներն անդրադարձ են կատարել նաև մի շարք երկկողմ հետաքրքրություն ներկայացնող թեմաների։

ԵՄ դիտորդները Հայաստան են ժամանել 2023-ի փետրվարի 20-ին։ 2025–ի հունվարին որոշում ընդունվեց, ըստ որի եվրոպացի դիտորդները կմնան Հայաստանի սահմանամերձ շրջաններում ևս երկու տարի՝ մինչև 2027-ի փետրվարի 19-ը։Բաքվից Հայաստանում ԵՄ առաքելությանը մեղադրում են «լրտեսական գործունեություն», «հեռադիտակային դիվանագիտություն» իրականացնելու մեջ: