Ներկայացվել է առավել մեծ թվով ազգային փոքրամասնությունների ցանկը, որոնք պետք է ներկայացված լինեն ԱԺ-ում

PanARMENIAN.Net - Հայաստանում մշտական բնակչության թվով առաջատար չորս ազգային փոքրամասնությունները, ըստ 2022 թվականին անցկացված մարդահամարի արդյունքների, հետևյալն են՝

Եզդի՝ 31 հազար 79 Ռուս՝ 14 հազար 76 Ասորի՝ 2 հազար 755 Քուրդ՝ 1 հազար 663

Ընտրական օրենսգիրք սահմանադրական օրենքի համաձայն՝ կուսակցության կամ դաշինքի ընտրական ցուցակը կարող է ներառել երկրորդ մաս, որտեղ ընդգրկվել են ընտրություններին նախորդող վերջին մարդահամարի տվյալներով առավել մեծ թվով մշտական բնակչություն ունեցող առաջին չորս ազգային փոքրամասնությունների ներկայացուցիչները, հայտնում է Կենտրոնական ընտրական հանձնաժողովը:

Ընտրական ցուցակի երկրորդ մասը բաղկացած է 4 բաժնից, և յուրաքանչյուր բաժնում համապատասխան ազգային փոքրամասնությունից կարող է ընդգրկվել մինչև 4 ներկայացուցիչ։ Եթե որևէ բաժնում տվյալ ազգային փոքրամասնության ներկայացուցիչ չի ընդգրկվել, ապա այդ բաժինը չի լրացվել։

Ընտրական ցուցակի երկրորդ մասում ներառված ազգային փոքրամասնության ներկայացուցիչ պատգամավորի թեկնածուն կարող է ընդգրկվել նաև ընտրական ցուցակի առաջին մասում։

ՀՀ Սահմանադրությամբ և Ընտրական օրենսգրքով ապահովված է ազգային փոքրամասնությունների ներկայացվածությունը Ազգային ժողովում։ Ազգային ժողովի 4 ամենամեծ համայնքները (եզդիներ, ռուսներ, ասորիներ, քրդեր) ունեն երաշխավորված տեղեր՝ խորհրդարանի կազմում ընդգրկված լինելու համար: