  Դուբայից առաջին չվերթը հասել է Երևան, ևս 2-ն ուշացումով կժամանի 5 մարտի 2026 - 11:17 AMT PanARMENIAN.Net - ԱՄԷ օդային տարածքի փակումից հետո առաջին անգամ մարտի 5-ի վաղ առավոտյան Դուբայից Երևան մեկնած առաջին չվերթը հասել է մայրաքաղաք, հայտնում է Factor.am-ը: «Զվարթնոց» միջազգային օդանավակայանի առցանց չվացուցակի համաձայն, Flydubai ավիաընկերության ինքնաթիռը վայրէջք է կատարել նախատեսված ժամանակից մոտ երկու ժամ ուշ։ Թռիչքը տևել է մոտ վեց ժամ, մինչդեռ նախկինում Դուբայ-Երևան չվերթը սովորաբար տևել է մոտ երեք ժամ։ Ուշացումը պայմանավորվել է այն հանգամանքով, որ ինքնաթիռը ստիպված է եղել շրջանցել Մերձավոր Արևելքի մի շարք երկրների փակված օդային տարածքները, ինչի հետևանքով թռիչքի տևողությունը զգալիորեն ավելացել է։ Flightradar24 միջազգային թռիչքների հետևման կայքի տվյալներով՝ թռիչքն իրականացվել է Օմանի, Պակիստանի, Աֆղանստանի, Թուրքմենստանի և Ադրբեջանի օդային տարածքներով։ Flydubai ավիաընկերության ևս մեկ Դուբայ-Երևան չվերթ նախատեսված էր ժամը 10։25-ին, սակայն այն նույնպես ժամանելու է ուշացումով։ «Զվարթնոց» օդանավակայանի առցանց չվացուցակի համաձայն՝ դրա հաշվարկային ժամանումը նախատեսվել է ժամը 13։46-ին։ Ուշացումով է իրականացվելու նաև Emirates ավիաընկերության մեկ այլ Դուբայ-Երևան չվերթը։ Փետրվարի 28-ին Իրանի, Իսրայելի և ԱՄՆ-ի միջև սկսված ռազմական գործողությունների հետևանքով Մերձավոր Արևելքի օդային տարածքը շարունակում է ամբողջությամբ կամ մասնակիորեն փակ մնալ։ Այս իրավիճակի պատճառով ավիաընկերությունները չեղարկել են հազարավոր կանոնավոր թռիչքներ, այդ թվում՝ Դուբայից դեպի Երևան իրականացվող մի շարք չվերթներ։   Ուշագրավ Պատճառը Մերձավոր Արևելքում հակամարտության սրացումն է Դավոյանն ասել է, որ արդարադատության նախարարի պաշտոնը պետք է զբաղեցնի իշխող քաղաքական թիմի անդամ Տեղի է ունեցել Ամենայն Հայոց կաթողիկոսի և Պոլսո Հայոց պատրիարքի առանձնազրույցը Ավելին` հակաբիոտիկների ոչ նպատակային կիրառումը կարող է բերել դեղի նկատմամբ կայունության զարգացման   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումներըViva-ն ամպային ծառայությունների աճող պահանջարկ է գրանցել Viva-ի ենթակառուցվածքները նոր են և համապատասխանում են միջազգային բոլոր ստանդարտներինՔՊ վարչությունը մերժել է Արփի Դավոյանի թեկնածությունը արդարադատության նախարարի պաշտոնում Նրա՝ արդարադատության նախարար լինելուն դեմ է եղել վարչության գերակշիռ մասը |
