  Օկամպո. Պետք է գերիների հարցը բարձրացնել Երևանում կայանալիք գագաթնաժողովում 23 ապրիլի 2026 - 17:49 AMT PanARMENIAN.Net - Բաքվում պահվող հայ գերիների ազատ արձակման հարցը պետք է բարձրացնել Երևանում կայանալիք ԵՄ գագաթնաժողովում, հայտարարել է Միջազգային քրեական դատարանի առաջին դատախազ Լուիս Մորենո Օկամպոն: Նա այդ մասին խոսել է «Հայոց ցեղասպանության զոհերի հիշատակի օր. ճանաչում, արդարություն, կանխարգելում՝ 1915-ից մինչև Արցախի էթնիկ զտումներ» թեմայով տեսակոնֆերանսի ընթացքում՝ ընդգծելով թեմայի միջազգային կարևորությունը, հայտնում է Sputnik Արմենիան: Օկամպոյի գնահատմամբ՝ Լեռնային Ղարաբաղի հայերի վերադարձը իրենց բնակավայրեր և գերեվարված անձանց ազատ արձակումը պետք է ներառված լինեն Եվրոպական քաղաքական համայնքի գագաթնաժողովի քննարկումների օրակարգում։ Նա նաև զուգահեռներ է անցկացրել 1915 թվականի իրադարձությունների և 2023 թվականին Արցախում տեղի ունեցած զարգացումների միջև՝ նշելով, որ երկու դեպքերում էլ արձանագրվել է առաջնորդների մեկուսացում և հայ բնակչության տեղահանում, սակայն ներկայում հնարավոր է կիրառել պաշտպանական մեխանիզմներ։ Օկամպոն կարևորել է թեմայի լայն հրապարակայնացումը՝ լրատվամիջոցների, հանրային քննարկումների և տարբեր նախաձեռնությունների միջոցով, որպեսզի միջազգային հանրությունը, մասնավորապես եվրոպացի առաջնորդները, ուշադրություն դարձնեն դրան։ Նրա խոսքով՝ միջազգային դատական կառույցները կարող են հանդիսանալ գործուն մեխանիզմ՝ գերիների իրավունքների պաշտպանության և վերադարձի ապահովման համար։ Բաքվի դատարանը Ռուբեն Վարդանյանին դատապարտել է 20 տարվա ազատազրկման: ԼՂՀ նախկին նախագահ Արայիկ Հարությունյանը դատապարտվել է ցմահ ազատազրկման: Ցմահ ազատազրկման են դատապարտվել նաև ՊԲ նախկին հրամանատար Լևոն Մնացականյանը և նախկին հրամանատարի առաջին տեղակալ Դավիթ Մանուկյանը, ինչպես նաև Արցախի Հանրապետության ԱԳ նախկին նախարար Դավիթ Բաբայանն ու ԱԺ նախագահ Դավիթ Իշխանյանը: Արցախի Հանրապետության նախկին նախագահներ Արկադի Ղուկասյանն ու Բակո Սահակյանը դատապարտվել են 20 տարվա ազատազրկման: Մադաթ Բաբայանը և Մելիքսեթ Փաշայանը դատապարտվել են 19 տարվա ազատազրկման, Գարիկ Մարտիրոսյանը՝ 18, Դավիթ Ալահվերդյանը և Լևոն Բալայանը՝ 16, Էրիկ Ղազարյանը, Գուրգեն Ստեփանյանը, Վասիլ Բեգլարյանը՝ 15 տարվա ազատազրկման։   Ուշագրավ Ընդգծվել է ուժի կիրառման անընդունելիությունը և կոչ է արվել ձեռնպահ մնալ ռազմատենչ հռետորաբանությունից «Մեզ ասում էին, թե մեր խոսքերը չափազանց կտրուկ են, որ դա չի մոտեցնում խաղաղությունը»,–բողոքել է նա Հաջիզադեն ասել է, թե հայտարարությունը «զարմանք է առաջացնում», և մեղադրանքներ հնչեցրել Հայաստանի հասցեին Նա հավելել է, որ Թուրքիան աջակցում է Ադրբեջանի և ՀՀ միջև խաղաղության գործընթացին   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
