  Կալասն ու Ալիևը քննարկել են ԵՄ-Ադրբեջան «հուսալի գործընկերությունը», TRIPP-ն ու խաղաղ գործընթացը 6 մայիսի 2026 - 12:49 AMT PanARMENIAN.Net - Եվրոպական միության արտաքին գործերի և անվտանգության քաղաքականության հարցերով բարձր ներկայացուցիչ, Եվրոպական հանձնաժողովի փոխնախագահ Կայա Կալասը, որը Երևանից հետո այցելել է Բաքու, Ադրբեջանի նախագահ Իլհամ Ալիևի հետ քննարկել է ԵՄ-Ադրբեջան «հուսալի գործընկերությունը», TRIPP-ն ու ՀՀ հետ խաղաղ գործընթացը: Կալասն անդրադարձել է Ադրբեջանի նախագահի և Եվրոպական միության խորհրդի նախագահի կողմից Անտոնիու Կոշտայի՝ Ադրբեջան կատարած այցի ընթացքում ընդունված համատեղ հայտարարության կարևորությանը, որտեղ ընդգծվել է Ադրբեջանի և Եվրոպական միության հարաբերությունների ռազմավարական բնույթը, հայտնում է Azertag-ը: Կալասն ընդգծել է, որ Ադրբեջանը Եվրոպական միության համար կարևոր գործընկեր է։ Ալիևը նշել է, որ վերջերս ադրբեջանական գազի մատակարարումները սկսվել են ևս երկու ԵՄ անդամ երկրներ՝ Գերմանիա և Ավստրիա: Զրույցի ընթացքում անդրադարձ է կատարվել նաև Ադրբեջանի և Հայաստանի միջև խաղաղ գործընթացին։ «Նշվել է, որ Ադրբեջանի և Հայաստանի միջև արդեն ձևավորվել են առևտրատնտեսական կապեր, և այս համատեքստում ընդգծվել է, որ Ադրբեջանը միակողմանիորեն վերացրել է Հայաստան ուղևորվող բեռների տարանցման սահմանափակումները»,-ասվում է հրապարակման մեջ: Ադրբեջանի նախագահի՝ տեսակապի ձևաչափով մասնակցությունը Երևանում կայացած Եվրոպական քաղաքական համայնքի 8-րդ գագաթնաժողովին «գնահատվել է որպես պատմական իրադարձություն»։ Ալիևը շնորհակալություն է հայտնել Եվրոպական միությանն՝ ականազերծման ոլորտում Ադրբեջանին ցուցաբերած աջակցության համար, ինչպես նաև նշվել է, որ TRIPP նախագծի մեկնարկը լավ հնարավորություններ կստեղծի տարածաշրջանային կապակցվածության տեսանկյունից։ Ալիևն ու Կալասը քննարկել են նաև Ադրբեջանի և Եվրոպական միության համագործակցության հեռանկարներն ու փոխադարձ հետաքրքրություն ներկայացնող այլ հարցեր։ Ալիևը, որը տեսակապով է միացել Երևանում տեղի ունեցած Եվրոպական քաղաքական համայնքի գագաթնաժողովին, մեղադրանքներ է հնչեցրել Եվրախորհրդարանի հասցեին՝ նշելով, որ Ադրբեջանի «տարածքային ամբողջականությունը նույնքան արժեք ունի, որքան ցանկացած այլ երկրի, և երկակի չափանիշներն անթույլատրելի են»:Ըստ Ալիևի՝ Եվրախորհրդարանը «խաղաղ գործընթացին աջակցելու փոխարեն զբաղվում է այն խաթարելով»։ Եվրախորհրդարանը բանաձև է ընդունել, որը դատապարտում է Ադրբեջանի կողմից հայ ռազմագերիների և պատանդների անօրինական պահումը՝ պահանջելով նրանց անհապաղ և անվերապահ ազատ արձակումը։ Այն նաև ընդգծել է, որ կայուն խաղաղությունը պետք է հիմնված լինի Հայաստանի ինքնիշխանության և տարածքային ամբողջականության հարգանքի վրա։   Ուշագրավ Ընդգծվել է ուժի կիրառման անընդունելիությունը և կոչ է արվել ձեռնպահ մնալ ռազմատենչ հռետորաբանությունից «Մեզ ասում էին, թե մեր խոսքերը չափազանց կտրուկ են, որ դա չի մոտեցնում խաղաղությունը»,–բողոքել է նա Հաջիզադեն ասել է, թե հայտարարությունը «զարմանք է առաջացնում», և մեղադրանքներ հնչեցրել Հայաստանի հասցեին Նա հավելել է, որ Թուրքիան աջակցում է Ադրբեջանի և ՀՀ միջև խաղաղության գործընթացին   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
