  FlyOne Armenia-ն երկու A321neo օդանավ կգնի Airbus-ից 6 մայիսի 2026 - 14:36 AMT PanARMENIAN.Net - FlyOne Armenia-ն հայտարարել է Airbus ընկերության հետ ռազմավարական նշանակության համաձայնագրի ստորագրման մասին՝ երկու Airbus A321neo (A321-200NX) դասի օդանավ ձեռք բերելու վերաբերյալ։ Համաձայնագիրը ստորագրվել է ՀՀ վարչապետ Նիկոլ Փաշինյանի և Ֆրանսիայի Հանրապետության նախագահ Էմանուել Մակրոնի ներկայությամբ՝ FlyOne Armenia-ի գլխավոր տնօրեն Արամ Խաչատրյանի և Airbus ընկերության Արևելյան Եվրոպայի և Կենտրոնական Ասիայի տարածաշրջանի նախագահ, վաճառքի գծով փոխնախագահ Շարբել Յուզկաթլիի կողմից՝ ընդգծելով համագործակցության բարձր մակարդակն ու միջազգային նշանակությունը։ «Ինձ համար մեծ պատիվ է այսօր այստեղ գտնվել։ Airbus ընկերության անունից ցանկանում եմ խորին շնորհակալություն հայտնել FlyOne Armenia-ին՝ համագործակցության հետևողական ամրապնդման և A320 ընտանիքի նկատմամբ ցուցաբերվող վստահության համար, հատկապես՝ A321neo մոդելի ընտրության առումով»,- նշել է Յուզկաթլին։ Արամ Խաչատրյանը տեղի ունեցածը գնահատել է որպես պատմական քայլ ոչ միայն ընկերության, այլև Հայաստանի համար։ «Այսօր մենք բոլորս ականատես եղանք չափազանց կարևոր իրադարձության։ FLYONE ARMENIA-ն Airbus ընկերության հետ կնքեց համաձայնագիր Airbus A321neo տիպի օդանավերի ձեռքբերման վերաբերյալ, որը կարելի է համարել պատմական քայլ ինչպես Հայաստանի ավիացիայի, այնպես էլ մեր ընկերության համար։ Այս գործարքը միայն օդանավերի ձեռքբերում չէ․ այն ներառում է նաև ուսուցման և զարգացման լայնածավալ ծրագրեր, որոնք առաջիկա տարիներին կիրականացվեն Airbus-ի կողմից։ Սա մեզ կբարձրացնի նոր մակարդակի՝ թե՛ համագործակցության, թե՛ որակական ցուցանիշների առումով։ Մենք հպարտ ենք լինել այս կարևոր նախաձեռնության մաս»,- նշել է նա։ Նոր սերնդի Airbus A321neo օդանավերը տարբերվում են վառելիքային բարձր արդյունավետությամբ, նվազեցված արտանետումներով և բարձր հարմարավետությամբ՝ ապահովելով ուղևորների համար ժամանակակից և որակյալ թռիչքային փորձ։ Հայաստանը և Ֆրանսիան ստորագրել են ռազմավարական գործընկերության հաստատման մասին համատեղ հռչակագիր։ Փաստաթուղթը ստորագրել են Հայաստանի վարչապետ Նիկոլ Փաշինյանը և Ֆրանսիայի նախագահ Էմանուել Մակրոնը։ Հռչակագրի ստորագրումը կայացել է Էմանուել Մակրոնի Հայաստան կատարած պետական այցի շրջանակում:   Ուշագրավ Սեպտեմբերի 1-ից ուժի մեջ են մտել տաքսի ծառայության ոլորտի նոր կարգավորումները Նախարարը ենթադրում է` ՌԴ–ից ՀՀ ժամանող զբոսաշրջիկների թիվը կրճատվել է, քանի որ ռելոկանտների մի մասը վերադարձել է հայրենիք Կովկասում էլեկտրական ավտոբուսներ առաջինը Գյումրին են մտնում Նա նշել է, որ Իրանը 46 կմ սահման ունի ՀՀ հետ, որն ամենաանվտանգ սահմաններից է   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄViva-ն ամպային ծառայությունների աճող պահանջարկ է գրանցել Viva-ի ենթակառուցվածքները նոր են և համապատասխանում են միջազգային բոլոր ստանդարտներին |
