  Բաքուն «սադրանք» է անվանել ռուսական հեռուստաեթերում Լեռնային Ղարաբաղի քարտեզի ցուցադրումը 8 մայիսի 2026 - 17:31 AMT PanARMENIAN.Net - Ադրբեջանի ԱԳՆ-ն «սադրիչ և անթույլատրելի» է անվանել ՌԴ պետական Առաջին ալիքով Լեռնային Ղարաբաղի քարտեզի ցուցադրումը: «Ադրբեջանի Հանրապետության խեղաթյուրված քարտեզի ցուցադրումը ռուսական պետական Առաջին ալիքի «ժամանակը ցույց կտա» («Время покажет») մայիսի 6-ի հաղորդման ժամանակ, ինչպես նաև քարտեզում գոյություն չունեցող «Լեռնային Ղարաբաղ» արտահայտության օգտագործումը լուրջ սադրանք է և անթույլատրելի քաղաքական մանիպուլյացիա»,-հայտարարել է Ադրբեջանի ԱԳՆ մամուլի քարտուղար Այհան Հաջիզադեն, գրում է APA-ն: Ըստ նրա՝ ՌԴ պետական հեռուստատեսությունը տարածում է «անջատողականությունը խրախուսող նարատիվներ»: «Ռուսաստանի Դաշնության պետական հեռուստատեսությամբ հնացած, կեղծ և անջատողականությունը խրախուսող նարատիվների տարածումը, չնայած ռուսական կողմի հայտարարություններին այն մասին, որ Ադրբեջանի տարածքային ամբողջականության և ինքնիշխանության նկատմամբ հարգանքը երբեք կասկածի տակ չի դրվել, բացահայտորեն հակասում է ադրբեջանա-ռուսական հարաբերությունների ոգուն, փոխադարձ հարգանքին և բարիդրացիությանը»,-ասվում է Ադրբեջանի ԱԳՆ հայտարարության մեջ: Բաքուն հայտարարել է, որ պարզաբանումներ է ակնկալում ռուսական կողմից: Ավելի վաղ Ալիևը, որը տեսակապով միացել էր Երևանում տեղի ունեցած Եվրոպական քաղաքական համայնքի գագաթնաժողովին, մեղադրանքներ է հնչեցրել Եվրախորհրդարանի հասցեին՝ նշելով, որ Ադրբեջանի «տարածքային ամբողջականությունը նույնքան արժեք ունի, որքան ցանկացած այլ երկրի, և երկակի չափանիշներն անթույլատրելի են»:Ըստ Ալիևի՝ Եվրախորհրդարանը «խաղաղ գործընթացին աջակցելու փոխարեն զբաղվում է այն խաթարելով»։   Ուշագրավ Ընդգծվել է ուժի կիրառման անընդունելիությունը և կոչ է արվել ձեռնպահ մնալ ռազմատենչ հռետորաբանությունից «Մեզ ասում էին, թե մեր խոսքերը չափազանց կտրուկ են, որ դա չի մոտեցնում խաղաղությունը»,–բողոքել է նա Հաջիզադեն ասել է, թե հայտարարությունը «զարմանք է առաջացնում», և մեղադրանքներ հնչեցրել Հայաստանի հասցեին Նա հավելել է, որ Թուրքիան աջակցում է Ադրբեջանի և ՀՀ միջև խաղաղության գործընթացին   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
