Փետրվարին հարձակման ենթարկված արքեպիսկոպոս Ներսես Պոզապալյանը վախճանվել է հիվանդանոցում

PanARMENIAN.Net - Այսօր առավոտյան ,Նաիրիե բժշկական կենտրոնում կյանքի 72-րդ տարում վախճանվել է Մայր Աթոռ Սուրբ Էջմիածնի երիցագույն միաբաններից Հայ Առաքելական Սուրբ Եկեղեցու նվիրյալ եւ բազմավաստակ սպասավոր Գերաշնորհ Տ. Ներսես արքեպիսկոպոս Պոզապալյանը:



Սրբազան Հայրը սույն թվականի փետրվարի 18-ին Մայր Աթոռ Սուրբ Էջմիածնի միաբանական իր կացարանում իրեն ծանոթ անձնավորության կողմից կողոպուտի նպատակով ենթարկվել էր հարձակման, որի հետեւանքով ծանր վնասվածք էր ստացել եւ անգիտակից վիճակում փոխադրվել հիվանդանոց: Միջադեպից մինչ իր վախճանը Տ. Ներսես Արքեպիսկոպոս Պոզապալյանը եղել է Երեւանի ,Նաիրիե բժշկական կենտրոնում բժիշկների հոգատար խնամքի ներքո:



Մայր Աթոռի տեղեկատվական համակարգի փոխանցմամբ, հանգուցյալ Սրբազանի աճյունը երկուշաբթի` հունիսի 29-ին` ժամը 17:00-ին, կդրվի Ս. Գայանե վանքում` վերջին հրաժեշտի համար: Ժամը 19:00-ին կկատարվի հոգեհանգստի արարողություն: Երեքշաբթի` հունիսի 30-ին` ժամը 11:00-ին, Թեղենիքի` իր իսկ կառուցած Սրբոց Նահատակաց եկեղեցում (Կոտայքի մարզ) կմատուցվի Սբ. Պատարագ, որի ընթացքում կկատարվի վերջին օծման եւ թաղման կարգը: Հավարտ Սբ. Պատարագի` եկեղեցու բակում տեղի կունենա Սրբազանի հուղարկավորության արարողությունը: