  Ռուսաստանն ու ԱՄՆ-ն պայմանավորվածություն են ձեռք բերել ՀՀՊ-ի, ՌՀՍ-ի եւ Աֆղանստանի շուրջ 7 հուլիսի 2009 - 12:26 AMT PanARMENIAN.Net - ՌԴ-ի եւ ԱՄՆ-ի նախագահների միջեւ բանակցությունների արդյունքում ստորագրվել է հակահրթիռային պաշտպանության (ՀՀՊ), Ռազմավարական հարձակողական սպառազինության (ՌՀՍ) հետագա կրճատման, ռազմական համագործակցության, միջուկային ոլորտում փոխգործակցության հարցերի վերաբերյալ փաստաթղթերի փաթեթը: Մասնավորապես, Դմիտրի Մեդվեդեւը եւ Բարաք Օբաման փաստաթուղթ են ստորագրել «Ռազմավարական հարձակողական սպառազինության սահմանափակման ու հետագա կրճատման վերաբերյալ համատեղ փոխըմբռնման» մասին: Միջկառավարական համաձայնագիր է ստորագրվել Ռուսաստանի տարածքով սպառազինությունների, ռազմական տեխնիկայի, զինվորական գույքի եւ անձնակազմի տարանցման վերաբերյալ, քանի որ ԱՄՆ զինված ուժերը մասնակցում են Աֆղանստանում անվտանգության, կայունացման ու վերականգնման ջանքերին: Կողմերը շրջանակային փաստաթուղթ են ստորագրել ՌԴ ու ԱՄՆ-ի զինված ուժերի միջեւ համագործակցության մասին, ինչպես նաեւ հուշագիր երկու երկրների զինված ուժերի միջեւ ռազմական համագործակցության կատարելագործման 2009թ. աշխատանքային պլանը: Որոշում է կայացվել Համագործակցության զարգացման հայ-ամերիկյան նախագահական հանձնաժողովի ստեղծման մասին: Դա նոր համակարգող մեխանիզմ է նախկինում գործող Գոռ-Չերնոմիրդին հանձնաժողովի փոխարեն: Դ.Մեդվեդեւն ու Բարաք Օբաման հուշագիր են ստորագրել ՌԴ եւ ԱՄՆ-ի առողջապահության նախարարությունների միջեւ, ինչպես նաեւ նոտաներ են փոխանակել ռազմագերիների ու անհայտ կորածների ռուս-ամերիկյան հանձնաժողովի վերաբերյալ:   Ուշագրավ Նա ասել է, որ աշխատելու է Մոսկվայի և Երևանի հարաբերությունների կարգավորման վրա Նստաշրջանը կայանալու է նոյեմբերին Նրա խոսքով, աշխարհում իրավիճակը բավականին բարդ է, տարածաշրջանում` առավել ևս   Ամենաընթերցվողը բաժնում |  Բաժիններ թեմայով Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
