Որոշվել է Միլանում կայանալիք Բռնցքամարտի Աշխարհի առաջնությունում Հայաստանի հավաքականի կազմը

PanARMENIAN.Net - Որոշվել է Միլանում սեպտեմբերի 1-12-ը կայանալիք Բռնցքամարտի աշխրահի առաջնությունում Հայաստանի հավաքականի կազմը: Այդպիսով, Աշխարհի առաջնությունում Հայաստանը կներկայացնի 8 բռնցքամարտիկ: Ինչպես PanARMENIAN.Net ի թղթակցին հաղորդեց բռնցքամարտի Հայաստանի հավաքականի գլխավոր մարզիչ Ռաֆայել Մեհրաբյանը, տվյալ պահին Հայաստանի եւ Վրաստանի հավաքականները համատեղ ուսումնամարզական հավաք են անցկացնում Արարատում:



«Տվյալ պահին Վրաստանի հավաքականի հետ համատեղ հավաք ենք անցկացնում Արարատում, որտեղից կվերադառնանք օգոստոսի 26-ին, իսկ 28-ին կմեկնենք Միլան», - նշել է Մեհրաբյանը:



Հայկական հավաքականի մարզիչի խոսքերով, դա հավաքականի վերջնական կազմն է եւ փոփոխությունների չի ենթարկվի:



Միլանում կայանալիք Աշխարհի առաջնությունում Հայաստանի հավաքականի կազմը.



Հովհաննես Դանիելյան- ք/կ 48 կգ(2008 թ. Եվրոպայի չեմպիոն)

Դերենիկ Գիժլարյան- ք/կ 51 կգ

Ազատ Հովհաննիսյան- ք/կ 57 կգ

Հրաչյա Ջավախյան- ք/կ 60 կգ(Պեկինի օլիմպիադայի բրոնզե մեդալակիր)

Էդուարդ Համբարձումյան- ք/կ 64 կգ (2008 թ. Եվրոպայի չեմպիոն)

Սամվել Մաթեւոսյան- ք/կ 69 կգ

Անդրանիկ Հակոբյան- ք/կ 75 կգ(2008թ. Ածխարհի գավաթի մրցանակակիր)

Ցոլակ Անանիկյան-ք/կ 91 կգ (2008 թ. Եվրոպայի չեմպիոնատի արծաթե մեդալակիր)



Գլխավոր մարզիչ Ռաֆայել Մեհրաբյան: