  Արթուր Աբրահամ. Ես իմ բոլոր տնային կենդանիներին «Մայք Թայսոն» էի անվանում30 սեպտեմբերի 2009 - 00:53 AMT PanARMENIAN.Net - Միջին քաշային կարգում IBF վարկածով աշխարհի նախկին չեմպիոն, հայ բռնցքամարտիկ Արթուր Աբրահամը իր կարծիքն է հայտնել «Super six world boxing classic» մրցաշարի մասին եւ պատմել է «Մայք Թայսոն» անունով իր նոր շան մասին: «Ես շատ եմ կարոտում իմ նոր շանը: Նա ընդամենը 8 ամսեկան է եւ ես նրան, ցավոք, չեմ վերցրել հետս: Ես իմ բոլոր տնային կենդանիներին «Մայք Թայսոն» էի անվանում»,-ասել է Աբրահամը` հավելելով, որ հենց Թայսոնի փայլուն մենամարտերն են նրա համար բռնցքամարտով զբաղվելու լավագույն խթանը հանդիսացել, եւ նա ցանկանում է նույնքան հաջողակ լինել ռինգում, որքան իր կուռքը: Բեռլինում առաջիկա մրցաշարի վերաբերյալ Աբրահամը հայտարարել է, որ այնտեղ չկան թույլ բռնցքամարտիկներ եւ լավագույնները դուրս են գալու լավերի դեմ: «Ինձ համար երազանք է եղել մասնակցել «Showtime» մրցաշարին: Այդ մրցաշարից հետո ես հայտնի կդառնամ ողջ աշխարհում: Ես կուրախացնեմ ոչ միայն իմ այստեղի, այլ նաեւ Ամերիկայի երկրպագուներին: Ես սիրում եմ Ամերիկան: Դա հիանալի երկիր է: Այնտեղ կարելի է հասնել ամեն ինչի եւ ես ցանկանում եմ մեծ մենամարտեր անցկացնել այդ երկրում, իսկ «Super six world boxing classic» մրցաշարը նպատակին հասնելու իմ առաջին քայլը կլինի», մեջբերում է Աբրահամի խոսքերը Fightnews.com-ը: Այս պահի դրությամբ Զիննովիցեի (Գերմանիա) մարզական ճամբարում Աբրահամը նախապատրաստվում է Ջերմեն Թեյլորի հետ մենամարտին: Հիշեցնենք, որ այդ բռնցքամարտիկների հանդիպումը տեղի կունենա հոկտեմբերի 17-ին Բեռլինում եւ կանցնի «Showtime» մրցաշարի առաջին շրջանի շրջանակներում:   Ուշագրավ Ազատ ոճի ըմբշամարտի Հայաստանի պատանեկան հավաքականը թիմային հաշվարկում զբաղեցրել է 3-րդ հորիզոնականը «Այդ պահից հետո ամեն ինչ արմատապես փոխվեց»,- ասել է նա Հավանայում կայացել է Ծանրամարտի միջազգային ֆեդերացիայի նիստը Բարսեղյանը ամբողջ 5 կգ-ով առաջ է անցել երկրորդը ճանաչված Սաուդյան Արաբիայի պատվիրակից   Ամենաընթերցվողը բաժնում |  Բաժիններ թեմայով Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
