  Երեւանում տեղի ունեցավ մարդու իրավունքների հարցերի շուրջ ԵՄ-Հայաստան առաջին երկխոսությունը10 դեկտեմբերի 2009 - 20:29 AMT PanARMENIAN.Net - Երեւանում տեղի ունեցավ ԵՄ-Հայաստան առաջին երկխոսությունը` մարդու իրավունքների հարցերի շուրջ: Ներկայում ԵՄ-ն մարդու իրավունքներին նվիրված երկխոսության մեջ է ներգրավված աշխարհի ավելի քան երեսուն երկրների հետ: Ինչպես հայտնում է ՀՀ ԱԳՆ մամլո ծառայությունը, մարդու իրավունքների շուրջ ԵՄ-Հայաստան առաջին երկխոսությունն անցավ բաց, բարեկամական եւ կառուցողական մթնոլորտում: Հանդիպման ընթացքում քննարկվեցին երկկողմանի հետաքրքրություններ ներկայացնող հարցերի լայն շրջանակ, ինչպես նաեւ շոշափվեցին համագործակցության կոնկրետ հեռանկարներ: Հայկական պատվիրակությունը ղեկավարում էր Հայաստանի ԱԳ նախարարի տեղակալ Կարինե Ղազինյանը: Պատվիրակության կազմում էին` ՀՀ արդարադատության փոխնախարար Նիկոլայ Առուստամյանը, ինչպես նաեւ գլխավոր դատախազության, ոստիկանության, արտաքին գործերի նախարարության եւ ՀՀ պետական այլ գերատեսչությունների ներկայացուցիչներ: ԵՄ պատվիրակությունը գլխավորում էր Շվեդիայի մարդու իրավունքների հարցերով դեսպան Յան Աքսել Նորդլանդերը: Մարդու իրավունքների առաջին երկխոսության օրակարգում էր մարդու իրավունքների պաշտպանության ազգային համակարգի, դատական բարեփոխումների իրականացման, ինչպես նաեւ միջազգային կառուցվածքների շրջանակներում համագործակցության հարցեր:   Ուշագրավ Նա ասել է, որ աշխատելու է Մոսկվայի և Երևանի հարաբերությունների կարգավորման վրա Նստաշրջանը կայանալու է նոյեմբերին Նրա խոսքով, աշխարհում իրավիճակը բավականին բարդ է, տարածաշրջանում` առավել ևս   Ամենաընթերցվողը բաժնում |  Բաժիններ թեմայով Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
