  Անկարային չհաջողվեց շաղկապել հայ-թուրքական երկխոսությունը ղարաբաղյան կարգավորման հետ14 դեկտեմբերի 2009 - 15:27 AMT PanARMENIAN.Net - Մինչ այժմ Թուրքիային չի հաջողվել շաղկապել հայ-թուրքական հարաբերությունները ղարաբաղյան կարգավորման հետ: Այդ մասին Երեւանում տեղի ունեցած մամլո ասուլիսում հայտարարել է «Եվրոպական ինտեգրացիա» հասարակական կազմակերպության նախագահ Կարեն Բեքարյանը: «Մինչ օրս չի ստորագրվել որեւէ փաստաթուղթ, որը զիջումներ կպահանջի հայկական կողմից Ղարաբաղի հարցում, չի ստորագրվել: Հակամարտության կարգավորման միջնորդները եւս չեն խոսում շուտափույթ կարգավորման մասին»,-ասել է Բեքարյանը: Այնուամենայնիվ, փորձագետը կանխատեսում է ղարաբաղյան կարգավորման շուրջ բանակցային գործընթացի տեմպերի արագացում: Անդրադառնալով ԱՄՆ նախագահի եւ Թուրքիայի վարչապետի հանդիպման արդյունքներին եւ մեկնաբանելով Ռեջեփ Թաիփ Էրդողանի հայտարարությունն այն մասին,թե «Հայ-թուրքական արձանագրությունները չեն վավերացվի այնքան ժամանակ, քանի դեռ հայկական ուժերը չեն լքել ԼՂՀ տարածքը»` փորձագետը նշել է, որ պետք չէր որեւէ արձագանք ակնկալել Բարաք Օբամայից: Ըստ նրա, ԱՄՆ-ն շահագրգիռ է հակամարտության հանգուցալուծման գործում եւ միջոցներ կձեռնարկի կարգավորման արագացման ուղղությամբ: Միեւնույն ժամանակ Բեքարյանը նշել է, որ երկու` ղարաբաղյան եւ հայ-թուրքական գործընթացների զուգահեռ արագացումը կարող է վտանգավոր լինել: «Հետեւյալ խնդիրը կա` Հայաստանի հանրությունը պետք է հասցնի «մարսել» գործընթացներից մեկը»,-ասել է Կ.Բեքարյանը: Մեկնաբանելով այն փաստը, որ ԵԱՀԿ Մինսկի խումբը տարածաշրջանային իր հերթական այցի ժամանակ չեղավ Երեւանում, փորձագետը հայտարարել է, որ այդպիսով միջնորդները ազդանշան են տալիս Բաքվին` չխանգարել հայ-թուրքական երկխոսությանը:   Ուշագրավ Նա ասել է, որ աշխատելու է Մոսկվայի և Երևանի հարաբերությունների կարգավորման վրա Նստաշրջանը կայանալու է նոյեմբերին Նրա խոսքով, աշխարհում իրավիճակը բավականին բարդ է, տարածաշրջանում` առավել ևս   Ամենաընթերցվողը բաժնում |  Բաժիններ թեմայով Սյուժե Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
