Հայ խաղաղապահները Գերմանիա կմեկնեն նախքան Աֆղանստանում տեղակայվելը

Աֆղանստանում Հայ խաղաղապահների զորակազմը կմիանա Անվտանգության ապահովման միջազգային ուժերին (ISAF): Հայ խաղաղապահների զորակազմը կընդգրկվի գերմանական ստորաբաժանման կազմում եւ կենթարկվի ՆԱՏՕ-ի Հյուսիսային տարածաշրջանային հրամանատարությանը: Ինչպես ավելի վաղ հաղորդել էր ՆԱՏՕ-ում Հայաստանի առաքելության ղեկավար Սամվել Մկրտչյանը, հայ խաղաղապահները չեն մասնակցելու Աֆղանստանում ռազմական գործողություններին, այլ ապահովելու են Կունդուզ քաղաքի օդանավակայանի անվտանգությունը:

Անվտանգության ապահովման միջազգային ուժերը (ISAF) ՆԱՏՕ-ի գլխավորված միջազգային զորակազմ է, որը 2001-ից գործում է Աֆղանստանի տարածքում: Անվտանգության ապահովման միջազգային ուժերը ստեղծվել են 2001թ. դեկտեմբեի 20-ի ՄԱԿ Անվտանգության Խորհրդի թիվ 1386 բանաձեւին համապատասխան:\r\n\r\nՆրանց ներկայությունը երկրում թալիբների վարչակարգի տապալումից հետո անհրաժեշտ էր «Քաբուլում եւ դրան կից շրջաններում անվտանգությունն ապահովելու գործում աֆղանական Ժամանակավոր մարմնին օգնություն ցուցաբերելու համար, որպեսզի աֆղանական Ժամանակավոր մարմինը, ինչպես նաեւ Միավորված Ազգերի Կազմակերպությունը կարողանան անվտանգության պայմաններում գործել»: 2003թ. օգոստոսից ISAF հրամանատարությունն իրականացվում է ՆԱՏՕ-ի բլոկի կողմից: