Սամարղանդում կհեռարձակվի հայկական հեռուստատեսությունը

Սամարղանդը Ուզբեկստանի երկրորդ քաղաքն է: Բնակչությունը կազմում է 366 հազար մարդ, հիմնականում այնտեղ ապրում են տաջիկներ, ուզբեկներ, ռուսներ, հրեաներ, պարսիկներ: Հայկական Սբ. Աստվածածին գործող եկեղեցին կառուցվել է 1903թ. տեղաբնակ հայերի միջոցներով: Հայերը հիմնավորվել են այս քաղաքում դեռեւս XVդ. Թամերլանի տիրապետության ժամանակ: Եկեղեցու առաջին քահանան էր Ռուբեն Բեկղուլյանցը:

1939թ. եկեղեցու գործունեությունն ընդհատվեց հոգեւոր առաջնորդի ձերբակալության եւ արտաքսման պատճառով, իսկ ավելի ուշ լուծարվեց նաեւ թեմը: Միայն 60 տարի անց, Ուզբեկստանի անկախացումից հետո, հնարավոր դարձավ հայկական եկեղեցու վերաբացումը:

1995թ. օգոստոսի 20-ին տեղի ունեցավ Սուրբ Աստվածածին եկեղեցու վերաօծումը, որի հոգեւոր առաջնորդը դարձավ քահանա Գրիգոր Մարկոսյանը: Ներկայումս եկեղեցում գործում է կիրակնօրյա դպրոցը, որտեղ ուսուցանվում է հայոց լեզու եւ Հայաստանի պատմություն: 1998թ. ի վեր եկեղեցու առաջնորդը աբեղա տեր Վռամ Ղազարյանն է: