Մովսես Հակոբյան. «Երկրապահ» կամավորականները գիտեն, թե ինչպես է պետք հաղթել թշնամուն»

PanARMENIAN.Net -
«Ես մեծ նշանակություն եմ տալիս «Երկրապահ» կամավորական միության բոլոր անդամների համախմբվածությանը, քանի որ այսօր Ղարաբաղյան ճակատում պատերազմի վերսկսման հավանականությունը մեծ է», - «Երկրապահ» կամավորական միության 8-րդ համագումարում ասել է ԼՂՀ պաշտպանական բանակի գլխավոր հրամանատար Մովսես Հակոբյանը:



Հակոբյանի խոսքերի համաձայն, «Երկրապահի» անդամների համախմբվածությունը շատ կարեւոր է, քանի որ նրանք անցել են ղարաբաղյան պատերազամի ճանապարհը եւ գիտեն, թե ինչպես պետք է հաղթել թշնամուն: «Երկրապահի» դերը նոր հասունացող սերնդի հայրենասիրական դաստիարակության գործում մեծ պետք է լինի», - ասել է Հակոբյանը:





Ղարաբաղա-ադրբեջանական հակամարտությունը

Ղարաբաղա-ադրբեջանական հակամարտությունը սկսվեց 1988 թվականին: Ի պատասխան Լեռնային Ղարաբաղի ինքնավար մարզի (ԼՂԻՄ) բնակչության 80% կազմող հայերի խաղաղ պահանջներին, Ադրբեջանը ագրեսիա ծավալեց խաղաղ բնակչության դեմ: 1991-1994թթ. ազգային-ազատագրական պատերազմի արդյունքում հռչակվեց Լեռնային Ղարաբաղի Հանրապետությունը: ԼՂՀ պաշտպանության բանակը նաեւ ԼՂՀ շուրջ անվտանգության գոտի ստեղծեց, որը 7 շրջաններ է ներառում: 1994թ. մայիսի 11-ին հրադադարի մասին համաձայնություն ձեռք բերվեց (Բիշկեկյան արձանագրություն): Ներկայումս հակամարտության կարգավորմամբ զբաղվում են ԵԱՀԿ Մինսկի խմբի համանախագահները` Ֆրանսիան, ԱՄՆ-ն եւ Ռուսաստանը:

 Ուշագրավ
Պատճառը Մերձավոր Արևելքում հակամարտության սրացումն է
Դավոյանն ասել է, որ արդարադատության նախարարի պաշտոնը պետք է զբաղեցնի իշխող քաղաքական թիմի անդամ
Տեղի է ունեցել Ամենայն Հայոց կաթողիկոսի և Պոլսո Հայոց պատրիարքի առանձնազրույցը
Ավելին` հակաբիոտիկների ոչ նպատակային կիրառումը կարող է բերել դեղի նկատմամբ կայունության զարգացման
---