Նալբանդյանը հաղթանակով նշեց իր վերադարձը Copa Telmex-2010

17 փետրվարի 2010 - 11:53 AMT

PanARMENIAN.Net -
Փետրվարի 16-ին տղամարդկանց վարկանիշային աղյուսակում 140-րդ տեղը զբաղեցնող 28-ամյա Դավիթ Նալբանդյանը ավարտին էր հասցնում Copa Telmex-2010 մրցաշարի մեկնարկային շրջանում իր հասակակից Պոտիտո Ստարաչեի (Իտալիա) հետ, որը 63-րդ հորիզոնականում է ATP-ի վարկանիշային աղյուսակում:

Ինչպես հաղորդում է gotenis.ru-ն, փետրվարի 15-ի հանդիպումը դադարեցվեց անձրեւի պատճառով առաջին պարտիայից հետո` 6:0 հաշվով ի օգուտ Նալբանդյանի: Երկրորդ սետը առավել համառ պայքարում անցավ, սակայն արդյունքում հաղթեց Նալբանդյանը` 6:2, 7:6 հաշվով: Սա արդեն Նալբանդյանի երրորդ հաղթանակն է:

Այդպիսով, քառորդ եզրափակիչ դուրս գալու համար Նալբանդյանը կխաղա աշխարհի 80-րդ ռակետ 24-ամյա իսպանացի Դանիել Հիմենո-Տրավերի հետ:

Դավիթ Նալբանդյան

Դավիթ Նալբանդյանը արգենտինահայ թենիսիստ է, որն իր պրոֆեսիոնալ կարիերան սկսել է 2000թ.: 1996թ. նա հաղթեց աշխարհի թիմային պատանեկան առաջնությունում Արգենտինայի թիմի կազմում: Նա նաեւ US Open 1998-ի հաղթողն է միանձնյա ելույթներում: 1999թ. պատանեկան Ռոլան Գարոսի մրցաշարի եզրափակչի մասնակից է, 1999թ. Ուիմբլդոնի պատանեկան առաջնության հաղթող է զուգախաղում (Գիլերմո Կորիայի հետ):

2002թ. 20 տարեկանում Դ.Նալբանդյանը դարձավ Ուիմբլդոնի եզրափակչի մասնակից, որտեղ տանուլ տվեց ավստրալացի Լեյթոն Հյուիթին: Դրանից հետո նա ընդգրկվեց 50 լավագույն թենիսիստների ATR վարկանիշային ցուցակում եւ «տարվա մարզիկ» հայտարարվեց Արգենտինայում: Նալբանդյանի գլխավոր նվաճումը նրա ելույթն է Շանհայում 2005թ., որտեղ նա հայտնվեց պատահաբար այլ թենիսիստների հրաժարվելու արդյունքում, որոնց վարկանիշը իրենից բարձր էր:

Անհաջող 2007թ. Նալբանդյանը նահանջեց, հայտնվելով երրորդ տասնյակում, սակայն կարողացավ ավարտել սեզոնը, հաղթելով «Մասթերս» շարքի 2 աշնանային մրցաշարերեում` Մադրիդում եւ Փարիզում, կարողանալով հաղթել աշխարհի առաջին եւ երկրորդ ռակետներին` Ռոժե Ֆեդերերին ու Ռաֆայել Նադալին:

Միայն Նալբանդյանը, Ֆեդերերը, Նովակ Ջոկովիչը, Մարատ Սաֆինն ու Նադալն են հասել Մեծ Սաղավարտի 4 մրցաշարերի կիսաեզրափակիչ միանձնյա խաղում:

2003-07թթ. Նալբանդյանը 5 տարի անընդմեջ ավարտել է տարին համաշխարհային վարկանիշի առաջին տասնյակում