Գյումրիում «Բանանցը» հաղթանակ տարավ «Շիրակի» հանդեպ

«Բանանց» ֆուտբոլի ակումբը հիմնվել է 1992թ. հունվարի 20-ին Աբովյանում հայ ձեռնարկատեր Սարգիս Իսրայելյանի կողմից եւ անվանվել է «Բանանց» Ադրբեջանում իր հայրենի գյուղի պատվին: «Բանանցը» Հայաստանի առաջնության բրոնզե մրցանակակիր է եղել 1992, 2003, 2006, 2007թթ. եւ Հայաստանի գավաթիկիրը 1992, 2007թթ.:

«Շիրակ» ֆուտբոլային ակումբը հիմնվել է 1958 թվականին Լենինականում (Գյումրի): Մինչ այդ քաղաքում արդեն կար մեկ թիմ, որի անվանումները պարբերաբար փոխվել են («Սպարտակ», «Դինամո», «Ստրոիտել» եւ վերջում «Կրասնոե զնամյա»): «Շիրակը» հիմնվել է քաղաքապետարանի կողմից: Թիմը գոյատեւում է ղեկավարության հաշվին եւ հանդես էր գալիս Լենինականի /Գյումրիի քաղաքային մարզադաշտում: Մարզադաշտն ու ակումբը քաղաքապետարանի սեփականությունն են հանդիսանում: Առաջնության մասնակիցների թվում լինելու ընթացքում, «Շիրակը» գործնականում խաղացել է ԽՍՀՄ-ի միայն երկրորդ լիգայում: 1991 թվականին թիմն իր հովանավորության տակ վերցերց Գյումրու մի խումբ էնտուզիաստների: ԽՍՀՄ այն առաջնությունում, որը վերջինը դարձավ ինչպես «Շիրակի», այնպես էլ ԽՍՀՄ առաջնության պատմության մեջ, թիմը գրավեց 2-րդ տեղը հանրապետական գոտու երկրորդ լիգայում: «Շիրակը» Հայաստանի չեմպիոն է եղել 1992, 1994, 1995, 1999թթ., Հայաստանի արծաթե մրցանակակիր 1993, 1995/96, 1997, 1998, 2002թթ., 2000 եւ 2003 թթ. Հայաստանի առաջնության բրոնզե մրցանակակիր է, Հայաստանի սուպերգավաթակիր (1997, 2000, 2003թթ.):