Sony Ericsson Open-2010-ի չորրորդ շրջան դուրս գալու համար պայքարում Դավիթ Նակբանդյանը զիջել է Ռաֆայել Նադալին

29 մարտի 2010 - 14:39 AMT

PanARMENIAN.Net - Աշխարհի չորրորդ ռակետ Ռաֆայել Նադալը առանց դժվարության դուրս է եկել Մայամիում ընթացող Sony Ericsson Open-2010-ի չորրորդ շրջան: Նադալը հանդիպել է վերջերս ծանր վնասվածքից հետո մրցաշրջան

վերադարձած արգենտինահայ թենիսիստ Դավիթ Նալբանդյանի:

Առաջին սեթում առաջինը հաջողվեց բրեյքի հասնել իսպանացուն, սակայն, իր առավելությունը նա չկարողացավ պահպանել եւ գրեթե անմիջապես զիջեց հակառակորդին: Այնուհետեւ հավասար պայքար ընթացավ, որն ավարտվեց օրինաչափ թայ-բրեյքով, որտեղ ավելի ուժեղ էր Նալբանդյանը` 7:6, հաղորդում է gotennis.ru-ն:

Այնուհետեւ իսպանացուն այնուամենայնիվ հաջողվեց խլել նախաձեռնությունը եւ հաջորդ 2 սեթում նույն 6:2 հաշվով հաղթանակ տանել: Այդպիսով, Ռաֆայելին հաջողվեց հավասարեցնել Նալբանդյանի հետ իր անձնական հաշիվը` 2:2:

Հաղթանակից հետո Նադալն ասաց, որ խաղը ծանր էր: «Ես հիանալի գիտեի, թե որքան լավ կարող է խաղալ Նալբանդյանը: Ես գիտեի, որ դա հասարակ մենամարտ չի լինելու, միշտ մի փոք վախ կա, երբ դուրս ես գալիս կորտ նման տաղանդավոր մարզիկի դեմ, ինչպիսին է Դավիթը»,-ասել է նա:

Դավիթ Նալբանդյան

Դավիթ Նալբանդյանը արգենտինահայ թենիսիստ է, որն իր պրոֆեսիոնալ կարիերան սկսել է 2000թ.: 1996թ. նա հաղթեց աշխարհի թիմային պատանեկան առաջնությունում Արգենտինայի թիմի կազմում: Նա նաեւ US Open 1998-ի հաղթողն է միանձնյա ելույթներում: 1999թ. պատանեկան Ռոլան Գարոսի մրցաշարի եզրափակչի մասնակից է, 1999թ. Ուիմբլդոնի պատանեկան առաջնության հաղթող է զուգախաղում (Գիլերմո Կորիայի հետ):

2002թ. 20 տարեկանում Դ.Նալբանդյանը դարձավ Ուիմբլդոնի եզրափակչի մասնակից, որտեղ տանուլ տվեց ավստրալացի Լեյթոն Հյուիթին: Դրանից հետո նա ընդգրկվեց 50 լավագույն թենիսիստների ATR վարկանիշային ցուցակում եւ «տարվա մարզիկ» հայտարարվեց Արգենտինայում: Նալբանդյանի գլխավոր նվաճումը նրա ելույթն է Շանհայում 2005թ., որտեղ նա հայտնվեց պատահաբար այլ թենիսիստների հրաժարվելու արդյունքում, որոնց վարկանիշը իրենից բարձր էր:

Անհաջող 2007թ. Նալբանդյանը նահանջեց, հայտնվելով երրորդ տասնյակում, սակայն կարողացավ ավարտել սեզոնը, հաղթելով «Մասթերս» շարքի 2 աշնանային մրցաշարերեում` Մադրիդում եւ Փարիզում, կարողանալով հաղթել աշխարհի առաջին եւ երկրորդ ռակետներին` Ռոժե Ֆեդերերին ու Ռաֆայել Նադալին:

Միայն Նալբանդյանը, Ֆեդերերը, Նովակ Ջոկովիչը, Մարատ Սաֆինն ու Նադալն են հասել Մեծ Սաղավարտի 4 մրցաշարերի կիսաեզրափակիչ միանձնյա խաղում:

2003-07թթ. Նալբանդյանը 5 տարի անընդմեջ ավարտել է տարին համաշխարհային վարկանիշի առաջին տասնյակում